Charter Document - 06370183
| Charter Number: | 06370183 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1213 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presentes litteras inspecturis A[mandus] dictus abbas Prullici in Domino salutem Noverit universitas vestra quod venerabilis pater R[obertus] Dei providentia tituli sancti Stephani in Cylio monte presbiter cardinalis apostolice sedis legatus mandavit nobis per litteras suas ut preciperemus dilecto fratri Gerardo Eventato monacho nostro quatenus interposito sacramento perhiberet testimonium veritati super eo quod a nobis esset requisitus de parentela que est inter nobilem domicellam filiam quondam inclite recordationis comitis Henrici qui decessit in partibus transmarinis et Erardum de Brena qui vocatus coram nobis tactis sacrosanctis reliquiis cum juramento parentelam Erardi prenominati et domicelle prefate ad inquisitionem nostram per sacramentum quod fecerat taliter enarravit Grossus et Florius fuerunt filii hujus regis qui cognominabatur Grossus filius fuit Ludovicus rex qui sepultus est apud Sanctum Portum hujus regis Ludovici filia fuit comitissa Maria comitisse Marie filius fuit prefatus comes Henricus pater predicte domicelle Ex alia parte de Florio exiit Ysabiaus mater fuit Aaladis domine Venisiciaci Aalidis domina Veniaci mater est predicti Erardi In cujus rei memoriam presentes litteras fecimus sigilli nostri karactere consignatas Actum Prulliaci anno gratie millesimo ducentesimo tercio decimo in festo Assumptionis beate Marie virginis