Charter Document - 06370165
| Charter Number: | 06370165 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1209 |
| Date type: | Internal, A.D. |
| Resource Link(s): |
|
Charter:
Ego Johannes de Moncellis notum facio universis quod de assensu et voluntate Elisabeth uxoris mee ob mee anime et sue remedium contuli in elemosinam Deo et beate Marie et ecclesie Prulliacensi redditum quemdam qui redditus piscium dicitur quem homines de Moncellis in medio quadragesime annuatim solvere debent et devestivi me de eodem redditu tam ego quam dicta Elisabeth uxor mea et investivimus de eodem redditu fratrem G[] cellerarium Prulliacensem pro domo Prulliacensi ita quod in illo redditu ullam aliam justiciam clamare poterit Prulliacensis ecclesia nisi solum redditum illum Et ut ratum et stabile perseveret hoc presentem cartam scribi feci et sigilli mei impressione muniri Actum apud Conis anno Domini millesimo ducentesimo nono mense julio