Charter Document - 06370163
| Charter Number: | 06370163 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1209 |
| Date type: | Internal, A.D., Feast |
| Resource Link(s): |
|
Charter:
Petrus Dei gratia Senonensis archiepiscopus universis presentes litteras inspecturis in Domino salutem Universitati vestre notum facimus quod constituti in presentia nostra Joinus et uxor ejus Regina dederunt in elemosinam domui Pruliacensi et monachis ibidem Deo servientibus domum suam Senonis ante hospitale sitam et vineam suam sitam in territorio quod dicitur Pons Novus et terram que est in eodem loco de quibus devestiverunt se in manu nostra et nos ad eorum peticionem predictos monachos de eis investivimus Quod ut ratum permaneat sigilli nostri munimine roboravimus Actum anno Domini millesimo ducentesimo octavo quinta feria post purificationem beate Marie