Charter Document - 06370143
| Charter Number: | 06370143 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1204 |
| Date type: | Internal, A.D., Calendar |
| Resource Link(s): |
|
Charter:
Petrus Dei gracia Senonensis archiepiscopus omnibus Christi fidelibus tam futuris quam presentibus in Domino salutem Notum facimus quam Stephanus de Savins miles et Ysavia uxor ejus recognoverunt dedisse in elemosinam monachis Pruliacensibus quodquod habebant in decimatione de Egligniaco ex parte dicte uxoris et ei dederunt monachi de charitate septies viginti libras Laudaverunt Agnez uxor Gilonis militis de Balouir de cujus feodo et Odo et Milo et Colinus fratres prenotate Ysavie Preterea Hugo de Pratis et Giraudus frater ejus recognoverunt se dedisse in elemosinam predictis monachis quidquid habebant in decimatione de Montigniaco excepta decimatione novalium de foresta et vinearum que ad jus plantate sunt Laudaverunt Symon nepos eorum et Fania mater ejus de cujus feodo Actum apud Gres anno incarnationis dominice millesimo ducentesimo secundo idibus januarii