Charter Document - 06370133
| Charter Number: | 06370133 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1202 |
| Date type: | Internal, A.D. |
| Resource Link(s): |
|
Charter:
Hamo de Sancto Romano curie Senonensis officialis omnibus presentes litteras inspecturis in Domino salutem Noverint universi quod Emengardis uxor defuncti Radulphi Rosselli ante me recognovit se vendidisse monachis Pruliacensibus domum suam et totam porprisiam ejusdem domus que est Senonis contigua domui eorumdem monachorum Et hanc venditionem laudaverunt et concesserunt fide data Jocelinus filius ejusdem Emengardis et Rosa filia ejusdem Emengardis et Balduinus filius predicte Rose et donaverunt plegios de plenaria garantia portanda Renerium de Calvo Monte Dominicum de ante monasterium Hanc etiam venditionem laudaverunt monachi de Porta Sancti Leonis de quorum censiva est medietas et alia medietas de censiva Sancte Columbe de quarrugio et donaverunt plegium Dominicum Rossellum qui a priore suo eadem laudari et concedi faciet venditionem Actum mense junio [anno] dominice incarnationis millesimo ducentesimo secundo