Charter Document - 06370059
| Charter Number: | 06370059 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1164 |
| Date type: | Internal, A.D. |
| Resource Link(s): |
|
Charter:
In nomine sancte et individue trinitatis amen Ego Ludovicus Dei gratia Francorum rex Quia videmus heredes aliquando adversari elemosinis antecessorum opus est servis Dei habere magnum testimonium quo tueantur collatas sibi elemosinas Notum itaque sit omnibus presentibus pariter et futuris quod Godericus vicecomes Corbolii do[mui] et fratribus de Pruliaco perdonavit tam per terram quam per aquam transversum quod habebat Corbolii de omnibus quecumque portarent fratres ad proprios usus domus et fratrum sine mercatura et hanc elemosinam postea nepotes Goderici Gilo Setiger et Gilo de Ulmeta insuper etiam Andreas de Ulmeta a quo tenebant in presentia nostra communiter laudaverunt et nos pro immobili firmitate et pro reprimenda deinceps omni calumpnia presentem paginam sigillo nostro muniri precepimus Actum publice Parisius anno dominice incarnationis millesimo centesimo sexagesimo quarto astantibus in palatio nostro quorum apposita sunt nomina et signa Signum comitis Theobaldi dapiferi nostri Signum Guidonis buticularii Sig[num] Mathei camerarii constabulario nullo Data per manum Hugonis cancellarii