Charter Document - 06370046

Adrianus episcopus servus servorum Dei dilectis filiis Nigello abbati Prulliacensi ejusque fratribus tam presentibus quam futuris regularem vitam professis in perpetuum quoties illud nobis petitur Quod religioni et honestati noscitur convenire animo nos decet libenti concedere et petentium desideriis congruum suffragium impertire quapropter dilecte in Domino fili tuis justis postulationibus clementer annuimus et prefatum monasterium cui Deo aucthore presse dignosceris sub beati Petri et nostra protectione suscipimus et presentis scripti patrocinio communimus statuentes quascumque possessiones quecumque bona eadem ecclesia in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec proprius duximus exprimenda vocabulis grangiam de Belveez cum appenditiis suis grangiam Ville Boleni cum appenditiis suis terram de Eschol boscum de Trembley grangiam Agrimontis cum appenditiis suis et Boscum Comitis qui est apud Agrimontem cum appenditiis suis grangiam de Coldrey cum appenditiis suis boscum qui dicitur Brusy boscum qui dicitur Amalrici molendinum de Blenes terras vinee Joannis piscaturam de Rosilum cum pratis suis prata de Flis et de Prepol piscaturam de Campo Petroso cum molendino et pratis molendinum de Estrees sane novalium vestrorum que propriis manibus aut sumptibus colitis sive de nutrimentis vestrorum animalium decimas a vobis nullus presumat exigere decernimus ergo ut nulli hominum liceat prefatum monasterium temere perturbare aut ejus possessiones auferre vel oblatas retinere minuere aut aliquibus vexationibus fatigare sed omnia integra conserventur eorum pro quorum gubernatione et sustentatione concessa sunt usibus omnimodis profutura si qua igitur ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate caveat eamque se divino judicio existere de perpetua iniquitate cognoscat et a sanctissimo corpore et sanguine Dei et Domini nostri Jesu Christi aliena fiat atque in extremo examine divine ultioni subjaceat cunctis autem eodem loco sua jura servantibus sit pax Domini nostri Jesu Christi quatenus et hic fructum bone actionis percipiant et apud districtum judicem premia eterne pacis inveniant Amen [] Ego Adrianus catholice ecclesie episcopus