Charter Document - 06370035
| Charter Number: | 06370035 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1155 |
| Date type: | Assigned |
| Resource Link(s): |
|
Charter:
Ego Stephanus Dei gratia abbas Sancti Remigii Senonensis universis sancte Dei ecclesie filiis tam presentibus quam futuris notum fieri volo quod quedam controversia orta est inter ecclesiam Sancti Remigii et ecclesiam Pruliacensem de decima terrarum quas in territorio Villenove Pruliacenses possidebant que ad ultimum sub hoc pacto sedata est ut omnium terrarum quas in eodem territorio tunc temporis habebant totam decimam deinceps predicti Pruliacenses quiete retineant et perpetua pace possideant et tam pro ipsa decima quam pro duabus prati particulis quarum una in Istes alia in Torelon sita est annuum censum trium sextariorum scilicet frumenti et unius avene in festivitate Sancti Remigii que kalendas octobris agitur ecclesie Sancti Remigii singulis annis Villenove persolvant hoc igitur Stephanus abbas coram capitulo meo laudavi et ab eodem capitulo laudari feci Signum Stephani abbatis Signum Holduini prioris Signum Guillelmi Signum Hugonis Signum Odonis Signum Bernardi Signum Guillelmi Signum Garnerii Signum Odonis Signum Stephani Signum Stephani Signum Gaufridi Signum Radulphi Signum Fulconis Signum Haimonis Signum Milonis Signum Stephani Signum Stephani Signum Haimonis Signum Gaufridi Signum Holduini Hujus rei testes fuerunt dompnus Norpaldus abbas Vallislucentis Drogo Strabo Milo Boleius Gaufridus [] os ejus Stephanus de Sancto Mauritio Boemundus de Braco Haimo [] baudus Actum est hoc in capitulo Sancti Remigii Senonensis anno [] VIII idus aprilis Et ut hoc ratum et inconcussum omni tempore habeatur sigilli mei impressione firmavi