Charter Document - 06370025
| Charter Number: | 06370025 |
|---|---|
| Cartulary Title: | Chartes et documents de l'abbaye cistercienne de Preuilly |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1145 - 1146 |
| Date type: | Assigned |
| Resource Link(s): |
|
Charter:
Ego Ludovicus Dei gratia rex Francorum et dux Aquitanorum notum facimus universis quam presentibus tam futuris quod fratres Guillelmus et Radulphus cum tribus confratribus suis Hermete Renardo Gauterio locum Sancti Acirii quem juxta Meledunum edificaverant ecclesie sancte Marie de Pruliaco ad extruendam ibidem Cisterciensis ordinis abbatiam ex libera voluntate per manum nostram jure possidendum perpetuo contulerunt et concesserunt Quod ut ratum in posterum inconcussumque permaneat scripto commendari et sigilli nostri auctoritate fecimus confirmari Data per manum Cadurci cancellarii