Charter Document - 06360034
| Charter Number: | 06360034 |
|---|---|
| Cartulary Title: | Recueil de plusieurs pièces curieuses servant à l'histoire de la Bourgogne |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 0924 |
| Date type: | Internal, Regnal |
| Resource Link(s): |
|
Charter:
Placuit atque conuenit inter Lanbertum Abbatem S Benedicti Floriacensis Monasterij et Rotardum nobilem virum vt res suas inter se commutare deberent quod ita fecerunt Dedit itaque Lantbertus prenominatus Abbas partibus Rotardi curtile vnum in comitatu Matisconense vicaria Cauiniacense in villa que dicitur Buxerias Terminatur iam dicta terra de vno latus terra ipsius Rotardi et de vno fronte terra prenominati vasalli et de tertia parte terra sancti Benedicti et Raculfi et de quarta parte via publica et habet iam dicta terra per mensuram in longum perticas viginti septem et in transuersum perticas septem decim Et contra dedit Rotardus partibus sancti Benedicti pro ipso curtilo vineolam et pratum et curtiferum in Ecclesie pago et in ipsa vicaria et etiam in eadem villa Ea ratione iam dictus Abba Lantbertus et Rothardus prefatas res concamiauerunt vt sine aliqua repetitione vnusquisque teneat et possideat quod a parte sua accepit Et vt hec commutatio stabilis permaneat manu nostra et manibus quorundam fratrum nostrorum subter firmari decreuimus Actum Patriciaco villa publice Signum Lantbertus dono Dei Abbas huic escamino hortantibus fratribus signum Aregaudus Monachus signum Benedictus Monachus signum Ieronimus Monachus signum Ingranus Monachus Datum mense Augusto anno secundo regnante domno Rodulfo Rege Gunfredus Monachus scripsit