Charter Document - 06360033
| Charter Number: | 06360033 |
|---|---|
| Cartulary Title: | Recueil de plusieurs pièces curieuses servant à l'histoire de la Bourgogne |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 0907 |
| Date type: | Internal, Regnal |
| Resource Link(s): |
|
Charter:
In Dei nomine Lambertus Abbas ex Monasterio sancte Dei Genitricis Marie et sancti Petri et sancti Benedicti Floriacensis notum sit omnibus tam presentibus quam et futuris successoribus nostris fidelibus sancte Dei Ecclesie quia postulauit nos quidam inluster vir nomine Adalgualo cum vxore sua nomine Leutsinde vt eis et duobus filiis Ingoberto et Erburgo aliquid ex rebus Ecclesie nostre sub vsufructuario concederemus quod et fecimus hoc est beneficium quondam Rotazdi vasalli nostre Ecclesie cum Ecclesia in honore sancti Bonetti consecrata et quicquid ad ipsam aspicit ex ipso beneficio siue in Maiornensi siue in Salornico villa et in aliis locis vt quandiu aduixerint iam dictus Adalgualo et vxor sua Leutsindis et predicti duo filij Ingobertus et Erburga ipsum beneficium teneant sub vsu fructuario ad nostram et firmam largitionem eo tenore vt potestatem habeant immeliorandi et dominandi et nullam habeant potestatem vendendi alienandi sed post eorum discessum cum omni immelioratione ad nostrum reuertatur indominicatum In recompensatione pro hoc vsufructuario dedit iam predictus Adalgualo et vxor sua Leutsindis partibus sancti Benedicti curtile vnum cum vinea et terra arabilis et prato et quicquid ibi aspicit in pago Augustidunensi vicaria Matisconensi in loco qui vocatur Caciacus cum mancipiis nomine Teotbaldo et Dominica Terminatur ex vna parte alodo Teoderici ex alio alodo Grimaldi ex tertia riuulum decurrens quarta parte via publica et in alio loco nomine Cacisello in pago Augustidunense vicaria Matisconensi quicquid ibi comparauit Rothardus et vxor sua Leutsindis de Ricbodo siue in pratis siue in terris arabilibus excepto villare et siluis totam medietatem ad integrum dederunt partibus sancti Benedicti Item in alio loco in villa nomine Romania aliud curtile cum vinea et pratis et siluis et terris dederunt ea ratione vt similiter ipsas res quas nobis dederunt sub vsufructuario teneant et annis singulis missa sancti Benedicti qui est in mense Decembrio in censum persoluant solidos duos Preter istas res et mancipia supra nominata dederunt alios seruos Randoenum et vxorem suam cum filiis eorum Huic autem vsufructuario vt veratiorem obtineat stabilitatem manu propria et manibus monachorum nostrorum signum firmitatis impressimus Signum Lambertus Abbas huic vsui hortantibus fratribus signum Gunfredus Monachus signum Gumbertus Monachus Signum Ansbertus Monachus signum Laurentius Monachus signum Getlo Monachus Data mense Nouembrio anno decimo quinto Regis Karoli Aregaudas Monachus scripsit