Charter Document - 06360023
| Charter Number: | 06360023 |
|---|---|
| Cartulary Title: | Recueil de plusieurs pièces curieuses servant à l'histoire de la Bourgogne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0979 |
| Date type: | Internal, Regnal |
| Resource Link(s): |
|
Charter:
In Dei nomine ego Narduinus pauens extreme diem vocationis ne grauatus mole peccaminum sine fructu boni operis sterilis inueniar dono pro remedio anime mee et parentum meorum res proprietatis mee Monasterio sancte Marie semper Virginis et S Petri Apostolorum Principis et S Benedicti Floriacensis cenobij quo corpus ipsius requiescit que site sunt in pago Matisconensi in villa Solmeriaco Hic sunt vinee prata silue cum terris cultis et incultis totum et ad integrum quesitum et ad inquirendum quicquid in prefata villa de meo iure et de locis Sanctorum aliquid in ipsa villa habentium conquisiui et ab aliis hominibus in ius et dominationem seruorum Dei iam dicto cenobio transfero possidendas Reddo etiam supradicto cenobio colonicas nouem quas Vvineterius sancto R pro remedio anime sue et senioris Heccardi Comitis dedit ad possidendum quas etiam ab Abbate ipsius loci huc vsque ad censum tenuit Ita vt ab hac die et deinceps sicut reliquas ipsius Monasterij res liberius in dominando fruantur arbitrio Monachi eiusdem loci Si vero aliquis aut ego ipse aut aliqua intromissa persona contra hanc donationem et vuarpituram calumniare voluerit quod repetit non euindicet sed iram omnipotentis Dei incurrat et merita omnium Sanctorum Dei offendat et repetitio eius nullum obtineat effectum et presens donatio firma permaneat Actum Floriaco publice Signum Narduini qui hanc kartam fieri et firmare rogauit Raculfi prepositi Vvillelmi Durandi prepositi Vigonis Vice Comitis et vxore sua Eufemia qui consenserunt Data decima sexta Kalendis Nouembris anno vigesimo octauo Lotharij Regis et filij sui Ludouici primo