Charter Document - 06360018
| Charter Number: | 06360018 |
|---|---|
| Cartulary Title: | Recueil de plusieurs pièces curieuses servant à l'histoire de la Bourgogne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0816 |
| Date type: | Internal, Regnal |
| Resource Link(s): |
|
Charter:
Cum resedisset Theodericus Comes in Augustiduno ciuitate in malo publico ad vniuersorum causas audiendas et recto iudicio terminandas vna cum plures scabineis qui cum eo ibidem aderant ibique veniens Fredelus mallabat hominem aliquo nomine Maurino Requirebat ei de parte genitori suo nomine Madaleno quod seruus erat domno Imperatore Karelo de Patriciaco villa et quando ipsus Imperator moriens dereliquit de iam dicto Madaleno et filio suo Maurino Ludouico Imperatore legibus hereditauit et vestitum dimisit ad seruos et ipse Maurinus ipso seruitio partibus Fredelono male ordine re contendebat illo anno presente et tales testes se dixit habere tunc interrogatum fuit iam dicto Maurino sub quale lege viuebat et ipsius sibi a lege Salica adnuncia uir et ipsa causa in omnibus denegauit et dixit quod genitor suus nascendo ingenuus fuit et ipsus Fredelus in ipsa causa domno Imperatore sibi reclamante quod legibus adprobare petebat Proinde Fredelono talem decreuerit iudicium vt tale testimonia remisse in proximo mallo post quadraginta noctes quem ipsius Comes in ipsa ciuitate tenet qui hoc adprobauit sicut suus iudicius loquitur aut faciat quidem lex est Dedit Maurinus fideiussorem nomine Autardo de sua presentia quod si ipse Fredelum adprobat faciat Maurinus partibus Fredelono quod lex est Et si Autardo iam dicto Maurino non representaret faciat partibus Fredelono pro fide fracta sicut lex est Dotinus subscripsit Signum Ado Signum Bligario Vicecomite Girbaudus Vicarius subscripsit datauit die veneris in mense Decembrio in anno secundo regnante domno Ludouico Imperatore Erimbertus Clericus subscripsit