Charter Document - 06360010
| Charter Number: | 06360010 |
|---|---|
| Cartulary Title: | Recueil de plusieurs pièces curieuses servant à l'histoire de la Bourgogne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1004 - 1030 |
| Date type: | Assigned |
| Resource Link(s): |
|
Charter:
Christi Domini voce ipsius seruorum minimus ego Durandus pauescens dicentis qui non baiulat Crucem suam et sequitur me non est me dignus et iterum non potestis Deo seruire et Mamone et qui reliquerit domum aut mulierem aut filios aut agros propter nomen meum centuplum accipiet et vitam eternam possidebit Credulus [] promissionibus huis mundi delectamenta suo contempnens amore cenobium eius dilecti Benedicti expetij positum super amnem Ligericum Floriacum vocatum reuerendum patrem poscens Gauzlinum habitu Monachili vestiri exoptans ad Patris Benedicti imperia Christo Domino ipsique famulari Qui optata adipiscens obtuli eidem loco pro mee remedio anime quicquid ex paterno vel materno iure possederam seu quicquid emeram in pago scilicet Cabilonense in Parrochia sancti Michaelis in villa que dicitur Bulducia vnum mansum cum vineis pratis siluis et aquis et vno farinario in aqua que dicitur Brainada clausum quoque vnum in Monte Siconis ad quercum vocatum cuius partem quendam a Piro magno ad meridiem Gunterie Archipresbitero et eius fratri mutuaueram pro alodo quodam in Bainarias ea ratione vt si predictum alodum repeterent quod mutuo acceperant redderent Terminatur autem ipse clausus duabus partibus terra Seguini et Bernardi sui fratris tertia sancti Michaelis quarta via publica In Poliaco autem villa vnum mansum cum vineis et campis Quorum omnium tertiam partem vxori mee reliqui Alexandre eo tenore vt post suum obitum predicto loco cuncta subiiciantur cum reditibus et consuetudinibus omnium rerum sub huiusmodi voto vt quicumque aliquid horum que dicta sunt repetere aut infringere temptauerit cum Iuda proditore et Anna et Caipha damnationem accipiat cum Diabolo et Angelis eius in ignem eternum eique qui litem intulerit sociante fisco auri libras decem persoluat et sua omnimodis frustetur repeticio Hec vero kartula vt firmior sit cum stipulatione subnixa et testibus subscriptis eam subterfirmaui Actum Floriaco tempore Rotberti Regis et Gauzlini Abbatis Durand Deodatus Presbiter Alexandra Isembardi