Charter Document - 06360008
| Charter Number: | 06360008 |
|---|---|
| Cartulary Title: | Recueil de plusieurs pièces curieuses servant à l'histoire de la Bourgogne |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0896 - 0930 |
| Date type: | Assigned |
| Resource Link(s): |
|
Charter:
Humana natura cum sit naturaliter huius vite delectamentis propensa hisque inherens semper quibuscumque momentis ad interitum defluat eterne crucianda necesse est quenquam eternis gaudiis sitientem pereundis redimere eterna Quod ego Guarulfus famulorum Christi seruorum minimus in Christi nomine festinans satagere et Monasterium Floriacense expetij positum propter omnem Ligerim sacratum honore perpetue Marie Virginis atque Apostolorum Petri Principis ac domini dilecti sanctissimi Benedicti Confessoris venerandam presentiam domni Lamberti loci predicti Abbatis exposcens dictisque seruorum ibidem famulantium Monachorum vt dignarentur me sociari orationibus eorum offerens de meo proprio quod ex iure paterno habebam alodum vnum iuxta villam Io dictam Boscum scilicet Veuram vocatum positum inter Paludem et Tamisiam et in alio loco qui dicitur Vallis tres culturas pro remedio mee anime et vxoris mee seu parentum meorum cuius petitioni adsentientes benigne quod petebam perfecerunt Quod vt notum tam presentibus quam futuris fieret et ne quis vel extraneus vel ex mea linea quod futurum non reor hanc donationem infringere audeat huic karte tradere volui Si quis vero infringere temptauerit quod repetit non vendicet sed cui litem intulerit sociante fisco auri libras decem componat et sua frustretur repetitio Hec vero donatio firma et stabilis permaneat cum stipulatione subnixa Actum Floriaco tempore Reuerendi Lamberti Abbatis regnante Rotdulfo Rege S Hildradi S Leotaldi S Halerici