Charter Document - 06351067
| Charter Number: | 06351067 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1233 - 1238 |
| Date type: | Assigned |
| Resource Link(s): |
Reference Document for this Embedded Document |
Charter:
Ego Guido Reomaensis Monasterij dictus Abbas et eiusdem loci Conuentus notum facimus omnibus presentes litteras inspecturis Quod venerabilis Pater Remundus Dei gratia S Benigni Diuionensis Abbas et eiusdem Ecclesie Conuentus dederunt et in perpetuum concesserunt nobis quidquid iuris Prioratus suus de Salmasia habebat et habere poterit apud Visarne et apud Vilennes et in appendiciis earundem villarum et quatuor sextarios bladi de eleemosyna Domini Vuilelmi de Salma militis ad mensuram Montis Regalis annuatim percipiendos in decima sua de Taleceio Videlicet vnum sextarium frumenti alterum siliginis et duos auene perpetuo possidendos pro quinquaginta solidis Diuionensibus reddendis singulis annis Priori de Salmasia et apud Salmasiam infra octauas Annunciationis Dominice Et si forte quod absit intra dictum terminum non reddamus nos tenemur prouidere nuncio Prioris supradicti in expensis eundo et redeundo ad nos factis quoad vsque dictus Prior de quinquaginta solidis se teneat pro se et Ecclesia sua penitus propagato In cuius rei testimonium ego Abbas presentibus litteris sigillum meum apposui