Charter Document - 06350110
| Charter Number: | 06350110 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1313 |
| Date type: | Internal, A.D., Feast |
| Resource Link(s): |
|
Charter:
Vniuersis presentes litteras inspecturis Officialis Lingonensis salutem in Domino Noueritis quod in presentia Stephani Curati de Tectis Clerici Curie nostre Lingonensis Iurati cui quantum ad infrascripta seu etiam ad maiora fidem plenariam adhibemus propter hoc personaliter constitutus Huillardinus de Quinceio Vicecomitis prope Rubeum montem Domicellus recognouit et confessus est quod ipse Huillardinus attendens et considerans quamplurima dona bona grata et curialitates que dicto Domicello contulit et impendit temporibus retroactis Frater Guido de Salmasia Monachus Reomaensis Reomaensis Ordinis S Benedicti nunc Prior Prioratus de Aseio subtus Rubeum montem Lingonensis Diocesis et adhuc de die in diem conferre non cessat in recompensationem dictorum seruitiorum necnon et ob remedium anime sue et predecessorum suorum dedit donauit cessit et in perpetuum concessit donatione pura irreuocabili facta inter viuos dicto fratri Guidoni et successoribus suis Prioribus dicti Prioratus de Aseio omnes et singulas Tertias suas quas habet annuales in terris tertialibus existentibus in finagio de Rubeo monte subtus vetus castrum Rubei montis vltra flumen que quidem Tertie olim pertinebantad Dominum Lou Roide de dicto Quinceio Domicellum que terre mouent de franco et libero allodio dicti Huillardini cum omni iure iurisdictione et dominio que dictus Huillardinus habet habere potest et debet quocunque titulo vel causa in eisdem nihil iuris iurisdictionis seu dominij aut proprietatis ac etiam possessionis retinendo in eisdem se de ipsis Tertiis deuestiens et dictum Priorem pro se Prioratu predicto et successoribus suis predictis de ipsis Tertiis inuestiendo perpetuo et in possessionem corporalem inducendo traditione presentium litterarum Promittens dictus Huilardinus periuramentum suum propter hoc super sancta Dei Euangelia prestitum corporaliter necnon et sub expressa obligatione heredum et omnium bonorum suorum tam mobilium quam immobilium presentium et futurorum vbicunque existentium solemniter stipulando dictas Tertias dicto Priori et eius successoribus perpetuo garantire contra omnes contra donationem huiusmodi non venire per se vel per alium tacite vel expresse nec contrauenienti in aliquo consentire reddere et persoluere omnia damna et interesse que propter hoc se dixerit incurrisse et super ipsis sibi et latori presentium credere suo simplici iuramento alia probatione non exacta Datum et actum anno Domini millesimo trecentesimo tertio decimo die Iouis post festum Purificationis beate Marie Virginis presentibus fratre Odone Priore de Cortengiaco et fratre Iterio de Fontanis Monachis Reomaensibus testibus ad premissa vocatis et requisitis anno et die predictis