Charter Document - 06350109
| Charter Number: | 06350109 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1308 |
| Date type: | Internal, A.D. |
| Resource Link(s): |
|
Charter:
In nomine Domini nostri Iesu Christi Amen Nos frater Hugo miseratione diuina humilis Abbas Monasterij sancti Martini Eduensis totusque eius Conuentus notum facimus vniuersis presentes litteras inspecturis quod nos ex vna parte et Reuerendus in Christo Pater Regmundus Dei gratia Abbas Monasterij S Ioannis Reomaensis Lingonensis Diocesis predicti Ordinis totusque eiusdem loci Conuentus ex altera de vnanimi assensu et voluntate partium nostrarum predictarum et pro salute animarum nostrarum et successorum nostrorum talem societatem inter nos partes predictas contraximus Videlicet quod si Abbas S Ioannis predicti Monasterij Reomaensis ad Monasterium nostrum supradictum venerit et Capitulum tenere voluerit et licebit et quecunque ibi tractata fuerint disponere et fratres de qualibet sententia absoluere de qua possit absoluere Abbas noster Similiter nostri Monasterij Abbati in Monasterio S Ioannis eadem si voluerit facere licebit Quod si aliquis Monachus dicti Monasterij Reomaensis excepto furto discordatus fuerit ab Abbate et Conuentu suo et ad Monasterium nostrum venerit quovsque reconciliatus fuerit eum recipere tenebimur et ei necessaria ministrare Et ipsi Religiosi Monasterij S Ioannis similiter de nostris fratribus facere tenebuntur Si vero Breuis defuncti venerit ante Capitulum Commendatio Vigilie et Missa matutinalis ac si presens esset corpus pro eo celebrabuntur Breuis in Capitulo legetur post Capitulum omnes campane pulsabuntur generale fiet officium Si autem post Capitulum quacunque hora venerit vsque ad collationem statim Vigilie cantabuntur cetera in crastinum differentur In Conuentu septem Vigilie et septem Misse fient inter fratres tricenarius Missarum diuidetur pro eo triginta diebus in refectorio prebenda dabitur vnusquisque Sacerdotum Missam vnam celebrabit vnusquisque Diaconorum Subdiaconorum et Acolythorum Psalterium vnum dicet Conuersi vero centum Miserere mei Deus et totidem Pater noster In Calendario nomen defuncti scribetur et anniuersarium quasi pro nostro professo celebrabitur In anniuersario Abbatum magne Vigilie fient Ad hanc etiam societatem confirmandam et retinendam festiuitas beati Ioannis predicti Monasterij Reomaensis cum duodecim lectionibus celebrabitur in ipsorum Monasterio supradicto In quorum testimonium ac perpetuam memoriam nos Abbas et Conuentus dicti Monasterij S Martini Eduensis sigilla nostra presentibus litteris duximus apponenda Actum et datum anno Domni millesimo trecentesimo octauo