Charter Document - 06350108
| Charter Number: | 06350108 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Lay |
| Charter Type(s): | Protection |
| Date: | 1298 |
| Date type: | Internal, A.D. |
| Resource Link(s): |
|
Charter:
Ego Robertus Dux Burgundie notum facimus vniuersis presentes litteras inspecturis quod cum dilecti nostri in Christo Frater Regmundus Dei gratia Abbas Monasterij Reomaensis Ordinis sancti Benedicti Lingonensis Diocesis totusque eiusdem loci Conuentus nobis ad vitam nostram duntaxat de derint et concesserint prouentus et exitus Prioratus sui de Ioux Eduensis Diocesis cum omnibus iuribus iurisdictionibus et pertinentiis eiusdem nos quoad premissa procuratorem in rem nostram constituentes tenemur et promittimus bona fide possessiones iura iurisdictionesque eiusdem Prioratus manutenere et contra perturbantes quicunque sint defendere propriis nostris sumptibus et tueri Tenemur insuper cuidam Monacho predicti Monasterij in dicto Prioratu commoranti et inibi Deo seruienti viginti libras Turonenses pro necessariis omnibus annis singulis ministrare Si quas etiam nouitates seu Burgesias indebitas nos vel gentes nostre resroacto tempore in villa de Ioux vel in dicto Prioratu minus iuste fecimus tenemur eas penitus reuocare Actum est etiam inter nos quod post decessum nostrum dictus Prioratus cum omnibus possessionibus iuribus iurisdictionibus pertinentiis acquisitionibus Burgesiis et meliorationibus vniuersis et singulis per nos in antea faciendis cum omnibus mobilibus in dicto Prioratu tempore obitus nostri existentibus qui exfructibus et prouentibus vel exitibus dicti Prioratus obuenerint ad Monasterium predictum sine retentione et reclamatione qualibet reuertetur ac etiam in dicto Prioratu remanebunt Et si quod absit aliquas nouitates fecerimus minus iuste vel faciemus in predicti Prioratus preiudicium quandiu ipsum tenebimus Prioratum volumus eas penitus esse nullas In cuius rei testimonium sigillo nostro presentes litteras fecimus sigillari Datum anno Domini millesimo ducentesimo nonagesimo octauo mense Nouembri