Charter Document - 06350104
| Charter Number: | 06350104 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1293 |
| Date type: | Internal, A.D. |
| Resource Link(s): |
|
Charter:
Nos Soror Margareta humilis Abbatissa Ecclesie beate Marie de Crisinone Autisiodorensis Diocesis Notum facimus vniuersis presentes litteras inspecturis quod Simonetus de Aisiaco predicte Diocesis Domicellus et Iaqueta eius vxor vendiderint et titulo pure et perfecte venditionis tradiderint et concesserint viris Religiosis Abbati et Conuentui Monasterij S Ioannis Reomaensis Ordinis sancti Benedicti Lingonensis Diocesis partem suam ville de Menesterello iuxta villam de Corpore sancto et quidquid habebant in finagio dicte ville de Menesterello et quidquid iuris actionis dominij vtilis vel directi in predicta villa de Menesterello et in finagio eiusdem ville habebant et quoquo modo habere poterant in hominibus mansis terris pratis vineis nemoribus censibus costumis tertiis corueis laudibus ventis manumortua talliis seruitute vsagiis pasturis iustitia dominio et aliis commoditatibus quibuscunque habenda tenenda et possidenda a predictis Religiosis et successoribus suis in perpetuum pretio triginta librarum Turonensium eisdem venditoribus a predictis Religiosis solutarum in bona pecunia numerata que omnia et singula supradicta vendita a predictis Religiosis tenebant de feudo venditores supradicti et se deuestierint dicti venditores de predictis omnibus et singulis venditis et dictos Religiosos inuestierint Et infra In quorum omnium testimonium et munimen nos predictam obligationem de predictis vineis in nostro dominio et iustitia sitis factam volentes et concedentes quantum nostra interest ad requisitionem predictorum Simoneti et Iaquete sigillum nostrum presentibus litteris duximus apponendum Datum anno Domini millesimo ducentesimo nonagesimo tertio mense Iunio