Charter Document - 06350098
| Charter Number: | 06350098 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1285 |
| Date type: | Internal, A.D. |
| Resource Link(s): |
|
Charter:
Nos Frater Gaudricus humilis Abbas Monasterij Reomaensis vna cum Conuentu nostro eiusdem loci constituimus Camerarium in dicto Monasterio tali modo I Quod ille qui obedientiam tenebit Camerariam recipiet omnes reditus et omnes prouentus qui pertinent et pertinebunt ad domum S Thome de Monte barro et omnes reditus et prouentus qui ad dictum Monasterium de Villis de Belaun et de Reu pertinent et pertinebunt cum terris pratis vineis salicetis et domibus sitis in villis et finagiis de Ateis que Reuerendus Pater Odo bone memorie quondam Abbas predicti Monasterij posuit in augmentationem predicte Camere II Item volumus et concedimus quod quicunque predictam Cameram tenebit et ipse habeat quandocunque voluerit et placuerit suam residentiam in nostra predicta Abbatia et habeat pro se prebendas panis et vini et ab omnibus aliis pitantiis sicut vnus fratrum nostrorum et pro seruitoribus pro Sutore pro Pellipario et pro quolibet vnam prebendam panis sicut consueuerunt habere III Item volumus et concedimus quod predictus Camerarius habeat fenum et auenam pro vno equo quandocunque ipsum in Abbatia nostra predicta contigerit commorari et quodipse Camerarius habeat Cameram suam iuxta infirmariam nostram ex vna parte et iuxta Dormitorium nostrum ex altera IV Item volumus et concedimus quod dictus Camerarius habeat teneat et possideat omnia que habemus in villis de Asneriis et de sancto Remigio et in finagiis qualiacunque sint excepto dono Ecclesie de Asneriis V Item volumus et concedimus quod dictus Camerarius habeat teneat et possideat sexdecim sextarios frumenti et auene quos habemus apud Corpus sanctum pro Fontenetensibus et vnum sextarium bladi quos habemus apud Iuleium et sex sextarios bladi quos habemus apud Vietelum et omnia quecunque alij Camerarij tenuerunt tempore retroacto VI Et quicunque Camerarius fuerit debebit pro supradictis reditibus et prouentibus prouidere Conuentui hoc modo VII Videlicet quod debebit mappas in Refectorio et manutergia in Claustro et peluim seu patellas ad lauandum pedes ad Mandatum et linteamina ad tergendum et ad Pascha quolibet anno tradere cuilibet Monacho cucullam et frocum de panno rosseto et vnam telam de remiset et vnum stramineum lecti et sotulares et cuilibet Conuerso et cuilibet Conuerse sotulares Et si forte contigerit quod dicti panni non possent inueniri innundinis Campanie ad vendendum dictus Camerarius dare tenebitur de alio panno ad estimationem Domini Abbatis et Prioris VIII Et in festo beati Remigij cuilibet Monacho nouem vlnas tele et caligas et duo paria pedulum Item in festo omnium Sanctorum annuatim vno anno pellicias cum dimidia pelle migicij et sotulares alio anno tunicas et sotulares et cuilibet Conuerso quinque vlnas Butelli et quinque vlnas tele et sotulares et cuilibet Conuerse tres vlnas Camelini et quinque vlnas tele et sotulares provt ab antiquo imbere consueuerunt Et vt istud quod statuimus ratum et firmum in eternum permaneat sigilla nostra presentibus litteris duximus apponenda Datum anno Domini millesimo ducentesimo octogesimo quinto mense Iunij Pueri semper habebunt provt consueuerunt Datum vt supra