Charter Document - 06350094
| Charter Number: | 06350094 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Profession of Obedience |
| Date: | 1274 |
| Date type: | Internal, A.D. |
| Resource Link(s): |
|
Charter:
In nomine Domini Amen Anno Incarnationis eiusdem millesimo ducentesimo septuagesimo quarto mense Nouembri Ego Girardus de Belone gener Guerneri notum facio omnibus presentes litteras inspecturis quod ego sum Homo manus mortue Domni Abbatis Reomaensis et me aduoco pro ipsius homine ad vsus et consuetudines aliorum hominum suorum de Belone et pro Homine Ecclesie Reomaensis Et si quod absit accideret quod ego me pro alio Domino aduocarem siue dominium dictorum Abbatis et Ecclesie subterfugerem volo et concedo spontaneus sine aliqua coactione facta mihi quod quidquid ab ipsis possideo quidquid mihi dederunt quodcunque sit quidquid acquiram in ipsius dominio et iustitia territorij et Ville predicte de Belone ipsis Abbati et Ecclesie predictis remaneat et possideant omni contradictione remota et de ipsis omnibus suam faciant voluntatem provt sibi melius videbitur expedire Promisi autem et promitto per stipulationem legitimam et solemnem sub obligatione bonorum meorum omnium mobilium et immobilium presentium et futurorum vbicunque sint aut vbi poterunt inueniri per iuramentum meum corporaliter prestitum me contra tenorem presentis instrumenti non venire per me vel per alium verbo facto consensu tacite vel expresse seu modo alio qualicunque Sed dictum presens instrumentum pro posse ab omnibus faciam irreuocabiliter obseruari