Charter Document - 06350091

Nos Frater Tierricus Prior de Vaucia Nos Magister Galterus Decanus Christianitatis Reomaensis et Nos Magister Guillelmus Decanus Christianitatis Molismensis notum facimus vniuersis presentes litteras inspecturis quod Magister Ioannes de Sede loco Clericus in nostra presentia propter hoc specialiter constitutus non vi non metu non dolo inductus spontaneus non coactus nec in aliquo circumuentus sed sua considerata vtilitate et commodo euidenti dat tradit cedit et concedit Ecclesie B Ioannis Reomaensis omnia bona sua mobilia et immobilia habita et habenda vniuersa et singula vbicunque ea habeat vel fuerit habiturus pro vndecim modiis et quinque sextariis frumenti eidem Ioanni vel mandato suo quandiu vixerit singulis annis reddendis in Granario Reomaensi quotiescunque dictum bladum leuare voluerit a Natiuitate Domini vsque ad festum beati Ioannis proxime subsequens transferendo in predictam Ecclesiam quidquid iuris actionis dominij vtilis vel directi in predictis rebus habet vel quoquo modo habere potest ponendo occasione predicta dictam Ecclesiam de predictis omnibus in possessionem vacuam acctiam corporalem Ita tamen quod trecentas libras monete poterit retinere de quibus si voluerit testari poterit vel suam aliam facere voluntatem Si autem expresse non retinuerit tota predicta pecunia Monasterio remanebit vel si expresse retinuerit et de tota pecunia testari noluerit vel suam non fecerit aliam voluntatem residuum quod non diuiserit Monasterio similiter remanebit Vnde de predictis omnibus se deuestit et predictam Ecclesiam coram nobis inuestit promittens bona fide et stipulatione solemni necnon etiam per iuramentum suum super sancta Dei Euangelia coram nobis solemniter prestitum predictas donationem traditionem cessionem concessionem deuestituram et inuestituram pro se et suis in perpetuum tenere et inuiolabiliter obseruare et contra predicta vel aliquod de predictis per se vel per alium in posterum non venire et facere et prestare omnia que in causa cuitionis debent fieri et prestari Omnia autem predicta et singula provt superius sunt expressa predictus Ioannes coram nobis confessus est esse vera Datum anno Domini millesimo ducentesimo fexagesimo nono mense Augusto