Charter Document - 06350089
| Charter Number: | 06350089 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1267 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Magister Theobaldus Clericus Curie Archiepiscopalis Senonensis in Domino salutem Notum facimus quod in nostra presentia constituta Laura de sancto Martino relicta Petri de Pacis vidua mater Guillelmi de sancto Martino super Orosam Domicelli compositionem et quitationem factam a dicto Domicello fratri Henrico Priori de Monasterio Englanno nomine ipsius Prioratus super nemoribus de Monasterio Englanno laudauit voluit et concessit expresse et eidem Priori nomine Prioratus sui quitauit quidquid iuris habebat vel habere poterat in nemoribus antedictis provt in litteris sigillo nobilis viri Petri de Roceio militis Balliui Niuernensis sigillatis et super hoc confectis continetur vt dicebat dicta Laura Promittens ipsa Laura per fidem suam in manu nostra prestitam quod contra predicta vel aliquid de predictis per se vel per alium non veniet in futurum supponens se quantum ad hoc iurisdictioni Curie nostre vbicunque maneat vel existat Datum anno Domini millesimo ducentesimo sexagesimo septimo mense Ianuario