Charter Document - 06350080
| Charter Number: | 06350080 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1244 |
| Date type: | Internal, A.D. |
| Resource Link(s): |
|
Charter:
Nos Frater Rainaldus humilis Abbas Reomaensis totusque eiusdem loci Conuentus notum facimus omnibus presentes litteras inspecturis quod nos dedimus et liberaliter concessimus Pariseto nato de Ciuitate Lingonensi domum illam quam tenebat Dominus Barengerius qui erat Curatus de Birreia sibi et Agneti vxori sue et heredibus suis iure hereditario in perpetuum possidendam Dictus vero Parisetus spontaneus dedit et concessit se pro homine libero Ecclesie nostre Reomaensi et ipse et heredes sui erunt homines liberi nostri Conuentus pro quinque solidis Diuionensibus nobis annuatim in festo S Remigij ab eisdem persoluendis Ita quod nos vel successores nostri vltra quam dictos quinque solidos ab ipsis non poterimus per exactionem aliquam reclamare Imo tenemur ipsos tanquam liberos homines nostri Conuentus aduersus omnes homines pro posse nostro defendere manutenere et bona fide garantire Quod vt ratum permaneat et firmum presentibus litteris sigilla nostra fecimus apponi Actum est hoc anno Domini millesimo ducentesimo quadragesimo tertio mense Septembri