Charter Document - 06350073
| Charter Number: | 06350073 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1239 |
| Date type: | Internal, A.D., Feast |
| Resource Link(s): |
|
Charter:
T Decanus Reomaensis Presbytero de Crie salutem in Domino Cum Abbas et Conuentus Reomaensis Laurentium de Crie piscatorem coram nobis authoritate Domini Lingonensis super terris tercialibus sitis in finagio de Crie in quibus dictus Laurentius dicebat se tractum habere et super Serganteria ad Prioratum de Asiaco spectantibus traxissent in causam lite super premissis coram nobis legitime contestata testibus productis attestationibus publicatis omnibus rite peractis Nos de consilio prudentium virorum prenominatis Abbati et Conuentui In nomine Patris et Filij et Spiritus sancti dictas terras tertiales tractum et Serganteriam per sententiam definitiuam adiudicauimus contradictores rebelles et perturbatores sententie excommunicationis decreuimus supponendos Inde est quod vobis mandamus quatenus dictos Abbatem et Conuentum in dictis terris tercialibus tractu et Serganteria authoritate nostra tueamini contradictores rebelles et perturbatores per censuram Ecclesiasticam compescendo Datum anno Domini millesimo ducentesimo tricesimo nono mense Maij die Martis ante Ascensionem Domini Reddidi litteras