Charter Document - 06350060
| Charter Number: | 06350060 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1214 |
| Date type: | Internal, A.D. |
| Resource Link(s): |
|
Charter:
Ego G Decanus de Espissia et Held Prior de Tisiaco notum facimus presentibus et futuris quod cum Abbas et Conuentus Reomaensis ex vna parte et Theobaldus olim Prepositus Montisbarri litigarent coram Abbate Decano Cantore Vizeliacensibus Iudicibus a Domino Papa delegatis super terris pratis et rebus aliis tandem dicte partes de voluntate et assensu dictorum Iudicum in nos compromiserunt et promissionem fide prestita confirmantes de seruando arbitrio nostro plegios vsque ad quinquaginta libras dederunt Nos igitur iura vtriusque partis diligenter inquirentes cum constitisset nobis per testes ab vtraque parte productos quedam fossata sita subtus stagnum Montisfortis et quendam campum qui esset super fossata et alium campum qui est subtus fossata et quandam terram sitam desuper tramitem iuxta fossata et quoddam pratum iuxta pascua Montisbarri situm et partem cuiusdam virgulti siti prope oreum virgulti prenominati Theobaldi ad Reomaensem Ecclesiam pertinere ea eidem Ecclesie adiudicauimus Introitum etiam prefati virgulti iuxta Dominum Iosbelinum decreuimus fieri Ita quod idem Theobaldus tenebitur introitum et cuncta damna eis resarcire Et vt istud ratum factum et inconcussum permaneat sigillis nostris illud fecimus roborari Actum anno gratie millesimo ducentesimo quarto decimo