Charter Document - 06350055

Innocentius Episcopus seruus seruorum Dei dilectis filiis Guidoni Abbati Monasterij S Ioannis Reomensis eiusque fratribus tam presentibus quam futuris Regularem vitam professis In perpetuum Desiderium quod ad religionis propositum et animarum salutem pertinet autore Deo sine aliqua est dilatione complendum Quapropter dilecti in Domino filij vestris postulationibus clementer annuimus et prefatum beati Ioannis Monasterium in quo diuino mancipati estis obsequio gloriosorum virorum Clodouei et Caroli et aliorum Regum Francorum preceptis munitum et fratrum nostrorum Sigoaldi Brunonis Ioceranni Guillenci et aliorum Lingonensium Episcoporum scriptis roboratum ad exemplar Patrum et predecessorum nostrorum Innocentij Eugenij Alexandri et aliorum Pontificum cum possessionibus et bonis suis sub B Petri et nostra protectione suscepimus et presentis scripti priuilegio communiuimus Statuentes vt quascunque possessiones quecunque bona idem Monasterium in presentiarum iusto et Canonice possidet aut in futurum concessione Pontificum largitate Regum vel Principum oblatione fidelium seu aliis modis iustis prestante Domino poterit adipisci firma vobis vestrisque successoribus et illibata permaneant In quibus hec propriis duximus exprimere vocabulis Ecclesiam videlicet de Villa que dicitur Corpus Sancti Ecclesiam Ateiensem Ecclesiam S Georgij de Simiriaco Ecclesiam de Berriaco Ecclesiam de Vineis Ecclesiam de Tultriaco Ecclesiam de Asiaco Ecclesiam de Nuidis Ecclesiam de Asinariis Ecclesiam de Cortenniaco Capellam Montisbarri Ecclesiam de Bunciaco Ecclesiam de Riciaco Ecclesiam de Iuliaco Capellam sancti Medardi Ecclesiam de Scolis Ecclesiam Estiuei Ecclesiam Camedonensem Ecclesiam de Estet Ecclesiam de Bellaun cum Capella de Reu Ecclesiam de Barro cum Capella de Torceio quidquid iuris habetis in Villis S Remigij videlicet Betfontis Visarnei Teliaci quidquid etiam frater noster Godefridus Lingonensis Episcopus vobis iuste concessit et scripto suo firmauit In Eduensi Episcopatu Ecclesiam de Ionaio Ecclesiam de Suentiaco Ecclesiam de S Germano de Mundaum Ecclesiam de Tisiaco Ecclesiam S Magnentie Capellam de Rouredo Ecclesiam de Cadriaco cum Capella eiusdem Ville Ecclesiam sancti Medardi Ecclesiam S Marie in Villa Iouis In Episcopatu Matisconensi in Saturniaco Ecclesiam S Andree cum Capella S Leodegarij Ecclesiam S Martini de Cereis cum Capellis ad eam pertinentibus Capellam de Bufariis cum appendiciis suis In Episcopatu Niuernensi Monasterium S Petri de Glanno In Tullensi Episcopatu Ecclesiam S Stephani Monasterium etiam S Marie de Rubeomonte in parochia Asiaca in quo a fratre nostro Godefrido Lingonensi Episcopo vtriusque partis assensu rationabili prouidentia concordiam factam nostro munimine roboramus Ex donatione Galteri quondam Lingonensis Episcopi Ecclesiam de villa Morina cum appendicis suis Ex donatione Manasserij quondam Lingonensis Episcopi Ecclesiam de Marmaiaus Ecclesiam de Santigny Ecclesiam de Pisi cum appendiciis suis Capellam S Thome apud Turin Ecclesiam de Corumblis Ex donatione Hilduini quondam Lingonensis Episcopi Domum Dei de Espissia Ex donatione Hugonis quondam Ducis Burgundie Gestium quod habebat in villa Monasterij S Ioannis et domum S Thome iuxta Capellam apud Montembarrum Furnagium hominum vltra pontem manentium et quod nullus ibi furnum edificet preter vos Pressores Montisbarri et prouentus eorum Ex donatione Odonis Ducis Burgundie filij predicti Hugonis ea que habebat in villis scilicet vineis Barro et Ateia tam in hominibus quam in possessionibus quorumlibet aliorum Ex donatione Garnerij quondam Lingonensis Episcopi in Ecclesia de Espissia quatuor libras in Ecclesia de Pisi quatuor libras In Ecclesia de Corumble quadraginta solidos monete Ducis Concordiam quoque inter vos et Canonicos de Espissia super decem libris monete vsualis per terram nobilis viri Ducis Burgundie seu aliis rebus sicut in authentico Hilduini quondam Lingonensis Episcopi continetur non irrationabili prouidentia factam Nec non compositionem inter vos et nobilem virum Guidonem de Capis super Capella quam idem nobilis vir construxit apud Iuliacum sicut prouide facte sunt et ab vtraque parte sponte recepte firmamus Ad hec etiam prohibemus ne aliquis Professus vel Conuersus sub professione domus vestre astrictus sine consensu et licentia Abbatis et maioris partis vestri Capituli pro aliquo fideiubeat vel ab aliquo pecuniam mutuo accipiat vltra pretium Capituli vestri prouidentia constitutum nisi propter manifestam domus vestre vtilitatem Quod si id forte presumpserit non teneatur conuentus de his aliquatenus respondere In Parochialibus vero Ecclesiis quas habetis liceat vobis Sacerdotes eligere et Diocesano Episcopo presentare quibus si idonei fuerint Episcopus curam animarum committat vt ei de spiritualibus vobis vero de temporalibus debeant respondere Obeunte vero te nunc eiusdem loci Abbate vel tuorum quolibet successorum nullus ibi qualibet subreptionis astutia seu violentia preponatur nisi quem fratres communi consensu vel fratrum pars maioris et sanioris consilij secundum Deum et Beati Benedicti Regulam prouiderint eligendum Decernimus ergo vt nulli omnino hominum liceat prefatum Monasterium temere perturbare aut eius possessiones auferre vel ablatas retinere vel quibuslibet vexationibus fatigare sed omnia integra permaneant eorum pro quorum gubernatione et sustentatione concessa sunt vsibus omnimodis profutura salua sedis Apostolice autoritate et Diocesanorum Episcoporum Canonica iustitia Si qua igitur in futurum Ecclesiastica secularisve persona hanc nostre constitutionis paginam sciens contra eam temere venire tentauerit secundo tertiove commonita nisi reatum suum congrua satisfactione correxerit potestatis honorisque sui dignitate careat reamque se diuino iudicio existere de perpetrata iniquitate cognoscat et a sanctissimo corpore ac sanguine Redemptoris nostri Iesu Christi aliena fiat atque in extremo examine districte vltioni subiaceat Cunctis autem eidem loco iusta seruantibus sit pax Domini nostri Iesu Christi quatenus hic fructum bone actionis percipiant et apud districtum iudicem premia eterne pacis inueniant Ego Innocentius Catholice Ecclesie Episcopus subscripsi Ego Cynthius S Laurentij in Lucina Presbyter Cardinalis subscripsi Ego Centius SS Ioannis et Pauli Presbyter Cardin tituli Pammachij subscripsi Ego Petrus S Marcelli Presbyter Cardinalis subscripsi Ego Benedictus S Susanne Presbyter Cardin subscripsi Ego Leo S Crucis in Ierusalem Presbyter Cardinalis subscripsi Ego Guala S Martini Presbyter Cardinalis subscripsi Ego Pelagius S Cecilie Presbyter Cardinalis subscripsi Datum Laterani per manum Ioannis tituli S Marie in Cosmedin Diaconi Cardinalis S Romane Ecclesie Cancellarii XI Kal Iunij Indict XIV Incarnationis Dominice anno MCCXI Pontificatus Domini Innocentij Pape III anno XIV