Charter Document - 06350054
| Charter Number: | 06350054 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Mortgage |
| Date: | 1207 |
| Date type: | Internal, A.D. |
| Resource Link(s): |
|
Charter:
Ego Guido Abbas S Michaelis de Tornodoro et ego Theobaudus Decanus Montisbarri notum facimus vniuersis tam presentibus quam futuris presentes literas inspecturis quod dum controuersia agitaretur inter Guidonem Abbatem Reomensem ex vna parte et Petrum Acordatum ac Siguinam vxorem eius ex altera super medietate decime de Tuli et tertiis de Tuli et de Charreres dictus Acordatus et vxor eius in presentia nostra recognouerunt quod supradictam medietatem decime et tertias illas titulo gagerie possidebant quam gageriam redemit ab eis memoratus Abbas Reomensis et de pretio quod erat super gageriam illam vtrique illorum satisfecit Quod vt ratum et inconcussum perpetuo permaneret dicto Abbati ad petitionem memorati Petri Acordati et vxoris eius inde literas nostras tradidimus sigillorum nostrorum munimine roboratas Actum est hoc mense Februario anno gratie millesimo ducentesimo septimo