Charter Document - 06350050
| Charter Number: | 06350050 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Mortgage |
| Date: | 1202 |
| Date type: | Internal, A.D. |
| Resource Link(s): |
|
Charter:
Ego Gaulterius Dei gratia Eduensis Episcopus omnibus presentes literas inspecturis notum facimus quod cum Ioannes de Guarart olim inuadiasset Ecclesie Reomensi villam de Suence que de ipsius Ecclesie casamento est pro trecentis et viginti libris monete Pruuinensium vxore sua Flandina et infantibus suis innadiationem istam laudantibus tandem super prefata Gageria inter ipsum Ioannem et predictum Abbatem orta est controuersia que postmodum de consensu vtriusque partis hoc modo coram nobis fuit pacificata Vuillelmus Abbas Reomensis pro bono pacis dedit dicto Ioanni XXV libras monete Diuionensium et dabit ei annuatim vnum modium segetis in horreo Reomaensi medietatem frumenti et medietatem hordei frumentum reddetur ad mensuram eiusdem ville et hordeum ad mensuram Reomensis horrei et ipse Ioannes dedit et quitauit in eleemosynam de cetero omnes prouentus ipsius Gagerie Reomensi Ecclesie hoc adiuncto quod villam illam nisi de suo proprio redimere non valebit et si eam forte redimi contigerit Ecclesia Reomensis a predicta pensione segetis erit libera et soluta Si vero Pruuimenses pondere vel libra viluerint vna marca argenti ad pondus Trecarum pro quinquaginta solidis Reomaensi Ecclesie persoluetur Quod vt ratum sit ac firmum ad mandatum eorum presentem Chartam sigillo nostro fecimus confirmari Actum est hoc anno incarnati Verbi millesimo ducentesimo secundo