Charter Document - 06350044
| Charter Number: | 06350044 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1197 |
| Date type: | Internal, A.D. |
| Resource Link(s): |
|
Charter:
Ego Gauterius Dei gratia Eduensis Episcopus notum facimus presentibus et futuris quod Ioannes de Garart per manum nostram et in presentia nostra inuadiauit Ecclesie S Ioannis Reomaensis villam que dicitur Soenci pro trecentis et viginti libris Prouinensis monete et quidquid habebat in finagio eiusdem ville ea videlicet conditione quod supradictam villam ex alieno censu redimere non posset nisi ex suo proprio et tempore Quadragesime scilicet a Dominica qua cantatur Inuocauit me vsque ad Octauas Pasche Recognouit etiam coram nobis quod predicta villa et totum ipsius ville finagium esset de feodo Reomaensis Ecclesie et quod tale pactum fuit inter ipsum et fratres eiusdem Ecclesie quod si ipsa moneta quocumque modo viluerit pro singulis quinquaginta solidis vna marca argenti reddetur In hac quidem villa Raimundus de Espissia dicitur habere quandam partem quam iamdicta Reomaensis Ecclesia tenet sub nomine Gagerie septem librarum et quindecim solidorum Cum vero prefatus Raimundus voluerit redimere nominatam partem tantumdem cadet de predicta pecunia Hanc autem Gageriam et omnia que prediximus laudauit Flandina vxor iam dicti Ioannis et liberi eorum ad quos predictorum scilicet ville et finagij ius pertinebat Fiduciauit et isdem Ioannes in manu nostra quod bona fide ea que predicta sunt teneret et nunquam contraire attentaret Huius rei testes fuerunt Theobaudus Prepositus Montisbarri Vuillelmus Prepositus Sinemuri Actum est hoc anno incarnati Verbi millesimo centesimo nonagesimo septimo