Charter Document - 06350021
| Charter Number: | 06350021 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1165 |
| Date type: | Internal, A.D. |
| Resource Link(s): |
|
Charter:
Ego Godefridus Episcopus quondam Lingonensis presenti scripto omnibus notificari volo ob conseruationem pacis et nunc et in perpetuum qualiter de Molendino subtus Curtange de quo inter Petrum venerabilem Abbatem Reomaensem et Aglentinam Abbatissam Putei Orbis discordia erat per manum nostram assensu vtriusque Capituli talis facta est compositio Statutum est a nobis vt Monachi molendinum sibi retineant donantes predictis Sanctimonialibus propter hoc annuatim tres sextarios bladi et dimidium de tali dumtaxat blado quale in eodem molendino molitur medietatem scilicet de hibernali et alteram de trimesio Dabitur autem hoc bladum a Priore de Courtange nuntio Abbatisse medietas in crastino festiuitatis omnium Sanctorum et altera medietas in crastino Sancti Pasche vel ex tunc quando competenter fuerit requisitum remota omni occasione et malo ingenio Si tamen in illis partibus talis forte fuerit guerrarum malitia vt molendina que sunt superius et inferius prefatum molendinum et ipsum combustum sit vel destructum ita vt ea reedificari communis terre malitia non sinat interim predicte Sanctimoniales donec valeat molendinum reedificari de pretaxata annona nihil a Monachis exigere possunt Huius rei testes sunt Frat Gilbertus de Claraualle et Frat Vuillelmus de Gisigne Monachi Rainaldus Decanus Montis Barri Simon de Courtange miles Actum anno ab Incarnatione Domini millesimo centesimo sexagesimo quinto