Charter Document - 06350013
| Charter Number: | 06350013 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1147 |
| Date type: | Internal, A.D., Papal |
| Resource Link(s): |
|
Charter:
Eugenius Episcopus seruus seruorum Dei dilectis filiis Petro Abbati Monasterij S Ioannis Reomaensis eiusque fratribus tam presentibus quam futuris Regularem vitam professis In perpetuum Desiderium quod ad religionis propositum et animarum salutem pertinere monstratur autore Deo sine aliqua est dilatione complendum Quapropter dilecti in Domino filij vestris iustis postulationibus clementer annuimus et prefatum B Ioannis Monasterium in quo diuino mancipati estis obsequio gloriosorum virorum Clodouei Caroli et aliorum Regum Francorum preceptis munitum et fratrum nostrorum Sigoaldi Brunonis Ioceranni Guilenci et aliorum Lingonensium Episcoporum scriptis roboratum ad exemplar predecessoris nostri felicis memorie Pape Innocentij cum possessionibus et bonis suis sub B Petri et nostra protectione suscipimus et presentis scripti priuilegio communimus statuentes vt quascumque possessiones quecumque bona idem Monasterium in presentiarum iuste et canonice possidet aut in futurum concessione Pontificum largitione Regum vel Principum oblatione fidelium seu aliis iustis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus vocabulis exprimenda Ecclesiam videlicet de Villa que dicitur Corpus Sancti Ecclesiam Ateiensem Ecclesiam S Georgij de Simiriaco Ecclesiam de Beriaco Ecclesiam de Vineis Ecclesiam de Tultriaco Ecclesiam de Asiaco Ecclesiam de Nuidis Ecclesiam de Asinariis Ecclesiam de Cortenniaco Capellam Montis Barri Ecclesiam de Bunciaco Ecclesiam de Riciaco Ecclesiam de Iuliaco Capellam S Medardi Ecclesiam de Scolis Ecclesiam Camedonensem Ecclesiam Estiuei Ecclesiam de Estet Ecclesiam de Spissia cum appendiciis suis Ecclesiam de Barro quidquid iuris habetis in villis S Remigij videlicet Betfontis Visernei Teliaci quidquid etiam venerabilis frater noster Gotefridus Lingonensis Episcopus vobis iuste concessit et scripto suo firmauit In Eduensi Episcopatu Ecclesiam de Ionaio Ecclesiam de Suintiaco Ecclesiam de S Germano de Mondaum Ecclesiam de Tisiaco Ecclesiam Sancte Magnentie Capellam de Rouuredo Ecclesiam de Cadriaco cum Capella eiusdem ville Ecclesiam S Medardi Ecclesiam B Marie in villa Iouis In Episcopatu Matisconensi in Saturniaco Ecclesiam S Andree cum Capella S Leodegarij Ecclesiam S Martini de Cereis cum Capellis ad eam pertinentibus Capellam de Bufariis cum appendiciis suis In Episcopatu Niuernensi Monasterium S Petri de Glanno In Tullensi Episcopatu Ecclesiam S Stephani Concordiam preterea inter vos et sorores Ecclesie S Marie de Rubeomonte de Parochia Asiaca a venerabili fratre nostro Gotefrido Lingonensi Episcopo vtriusque partis assensu rationabili prouidentia factam nostro munimine roboramus Decernimus ergo vt nulli omnium hominum liceat prefatum Monasterium temere perturbare aut eius possessiones auferre vel ablatas retinere minuere aut aliquibus vexationibus fatigare sed omnia conseruentur eorum pro quorum gubernatione et sustentatione concessa sunt vsibus omnimodis profutura Salua sedis Apostolice autoritate et diecesanorum Episcoporum Canonica iustitia Si qua ergo in futurum Ecclesiastica secularisve persona hanc nostre constitutionis paginam sciens contra eam temere venire tentauerit secundo tertiove commonita si non satisfactione congrua emendauerit potestatis honorisque sui dignitate careat reamque se diuino iudicio existere de perpetrata iniquitate cognoscat a sacratissimo Corpore ac Sanguine Dei Domini redemptoris nostri Iesu Christi aliena fiat vtque in extremo examine districte vltioni subiaceat Cunctis autem eidem loco iusta seruantibus sit pax Domini nostri Iesu Christi quatenus hic fructum bone actionis percipiant et apud districtum iudicem premia eterne pacis inueniant Amen [Rota] Ego Eugenius Catholice Ecclesie Episcopus subscripsi Ego Albericus Ostiensis Episcopus subscripsi Ego Imarus Tusculanus Episcopus subscripsi Ego Hubaldus Presbyter Cardinalis Sanctorum Ioan et Pauli subscripsi Ego Iulius Presbyter Cardinalis Tit Sancti Marcelli subscripsi Ego Guido Presbyter Cardinalis Tit Pastoris subscripsi Ego Otho Diaconus Cardinalis S Georgij ad velum aureum subscripsi Ego Octauianus Diaconus Cardinalis Tit S Nicolai in carcere Tulliano subscripsi Ego Ioannes Diaconus Cardinalis S Marie noue subscripsi Ego Guido Diaconus Cardinalis Sancte Marie in porticu subscripsi Ego Hiacynthus Diaconus Card S Marie in Cosmedin subscripsi Datum apud S Florentinum per manum Guidonis S R E Diaconi Cardinalis et Cancellarij III Idus Octobris Indict XI Incarnationis Dominice anno MCXLVII Pontificatus Domini Eugenij tertij Pape anno III