Charter Document - 06350012
| Charter Number: | 06350012 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1147 |
| Date type: | Internal, A.D. |
| Resource Link(s): |
|
Charter:
In nomine summe et indiuidue Trinitatis Patris et Filij et Spiritus sancti Amen Sanctorum predecessorum nostrorum ordinatio labilis memorie defectum seu fortune mutabilitatem in futurum precauens multimodis nos instruit exemplis ea que in Ecclesia Dei solemniter aguntur literalibus tradere monumentis Eorum igitur meritis et dignis operibus pro spe et retributione celestium participari desiderans Gotefridus ego nutu Dei alme Lingonice sedis Episcopus hoc in diuine misericordie respectu pietatis genere consulendum destinaui vt Eleemosynis et benegestis predecessorum meorum Monasterio Reomaensi rationabili iure subscriptis et deputatis manum fauoris mittam et per bone voluntatis holocaustum iustorum me benefactis intercludam Laude igitur et consilio fidelium nostrorum et totius Lingonensis Ecclesie interueniente Domno Petro Reomaensis Monasterij Abbate prestantissimo Deo primum et beate Marie Virgini Dei Genitrici et B Ioanni Reomaensis Monasterij et Monachis ibi in seruitio Dei aggregatis vel eis in perpetuum successuris de omnibus rebus subinsertis secundum priuilegia predecessorum meorum Lingonensium Episcoporum huiusmodi testamentum ex parte mea constituo conscribo et confirmo Priuilegium Sigoaldi Episcopi de consecratione Abbatis de fraterna dilectione de charitatiua fratrum castigatione et emendatione sed et de omnibus quecumque Episcopaliter precepit et confirmauit laudamus et confirmamus Priuilegium Guidrici Episcopi de tribus Ecclesiis videlicet de Asiaco de Similiaco et de vineis Priuilegium Acchardi Episcopi de Ecclesia de Scolis cum appenditiis suis Priuilegium Brunonis Episcopi de Ecclesia Corporis sancti Montis Bertaldi Betfontis Asneriis Ricei et Niudis Priuilegium Hugonis Episcopi de Ecclesia Iuliaci Priuilegium Arduini Episcopi de iure Parochie Asiaci et de integritate ipsius Priuilegium Rainardi Episcopi de Ecclesia Curtannaci cum appenditiis suis de Ecclesia Ateiensi de Ecclesia Barri de Ecclesia Camedonensi Priuilegium Ioceranni Episcopi de Ecclesiis Byrrei Ricei Curtannaci cum appendiciis suis Capella videlicet Montis Barri Ecclesie subscripta et subiecta de iure fundorum et Casamentorum B Ioannis de oblationibus et decimis laicorum personis abiudicatis et in omnibus Parochiis illis per manus Episcoporum saluo iure Ecclesie nostre B Ioanni redditis et concessis Priuilegium Roberti Episcopi de rebus supra scriptis et inferius subiiciendis Priuilegium Guilenci Episcopi de rebus suprascriptis et de duabus Abbatiis Sanctimonialium Orbiaci videlicet atque Rubeimontis Has igitur omnes denominatas Ecclesias et quecumque antiquorum patrum seu principum pia deliberatione ad proprietatem predicti Monasterij pertinere cognouimus pro posse nostro redintegrare et reformare cupientes iuxta legem et determinationem singulorum proprie et communiter salua consistere et inuiolata permanere censemus et precipimus et quidquid boni ratione iustitie ex nostra parte superaddere possumus Spiritus sancti gratia cooperante superaddimus et concedimus De duabus vero Abbatiis illis Orbiaci videlicet atque Rubeimontis quarum vna in proprio B Ioannis predio altera in propria parochia constructa esse cognoscitur scandalum discordie penitus contradicentes vt debitum honorem et reuerentiam Domno Abbati et suis exhibeant mandamus et obsecramus Non enim licet aliis Monachis subintrare si aliquando contigerit in Abbatiis illis ratione aliqua ordinem immutari Cemeteria vero in suis parochiis antiquitus constituta et consecrata secundum parochialia iura suos vsus habeant et obtineant nec alterius parochianum aliqua Ecclesia recipiat nisi per consilium Ecclesie sue Abbas vel minister eius hoc fieri permittat His etiam prescriptis addimus Ecclesiam de Spissia cum appendiciis suis saluis Synodis et consuetudinibus Ecclesie Lingonensis et eam cum laude et consilio Religiosorum virorum et Archidiaconorum supradicte Ecclesie Reomaensi in perpetuum concedimus Addimus etiam et concedimus Ecclesias de Esteth de Cameredo Ecclesias annexas ville S Remigij Betfontis Visarnei Teleiaci De electione vero sacerdotum in Ecclesia Spissie canonicam potestatem eidem Ecclesie Reomaensi concedimus Hec autem omnia tam ex predecessorum nostrorum quam ex nostro precepto generaliter astruentes chartam subinde plenissime conscriptam et astipulatam manus proprie tactu et subscriptione confirmamus et Archidiaconis nostris ordinabiliter confirmandam donamus Si quis vero contra istius nostre definitionis paginam obuius ire presumpserit bis vel tertio commonitus nisi se correxerit et ad emendationem venerit anathematis vinculo teneatur Acta sunt hec anno ab Incarnatione millesimo centesimo quadragesimo septimo Apostolice sedis cathedram obtinente Domino Eugenio Francorum excellentissimo Rege Ludouico Sub quo omnes fere nationes contra paganorum infidelitatem commote sunt Lingonice sedis Episcopo Domino Gotefrido Ego Hulricus subscripsi Ego Pontius Lingonensis Ecclesie Archidiaconus subscripsi Ego Garnerius Archidiaconus subscripsi Sunt etiam testes huius rei Lingonici Canonici Hugo de Riueria Vuido Venator Gaulterius Trecensis Canonicus Rainaldus Decanus Montis Barri Petrus de sancto Georgio Odo de Furno Herbertus Abbas S Stephani Diuionensis Raimbaldus Abbas de Alba Riua Clarembaldus Sacerdos