Charter Document - 06350007
| Charter Number: | 06350007 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1126 |
| Date type: | Internal, A.D. |
| Resource Link(s): |
|
Charter:
In nomine summe et indiuidue Trinitatis Patris et Filij et Spiritus sancti Amen Sanctorum predecessorum nostrorum ordinatio labilis memorie defectum seu fortune mutabilitatem in futurum precauens multimodis nos instruit exemplis ea que in Ecclesia Dei solemniter aguntur literalibus tradere monimentis et Episcopalibus confirmare munimentis Eorum igitur meritis et dignis operibus pro spe et retributione celestium participare desiderans Guilencus ego nutu Dei alme Lingonice sedis Episcopus hoc in diuine misericordie respectu pietatis genere consulendum destinaui vt eleemosynis et benegestis predecessorum meorum Monasterio Reomaensi rationabiliter subscriptis et deputatis manum fauoris mittam et per bone voluntatis holocaustum iustorum me benefactis intercludam Laude igitur et consilio fidelium nostrorum totius Lingonensis Ecclesie interueniente Domno Bernardo Reomaensis Monasterii Abbate prestantissimo Deo primum et beate Dei Genitrici Marie et beato Ioanni Reomaensis Monasterii et Monachis ibi in seruitio Dei aggregatis vel eis in perpetuum successuris de omnibus rebus subinsertis secundum priuilegia Sanctorum predecessorum meorum Lingonensium Episcoporum huiusmodi testamentum ex parte mea constituo conscribo et confirmo Priuilegium Sigoaldi Episcopi de consecratione Abbatis de fraterna dilectione de charitatiua fratrum castigatione et emendatione sed et de omnibus quecumque Episcopaliter precepit et confirmauit laudamus et confirmamus Priuilegium Guidrici Episcopi de tribus Ecclesiis videlicet de Asiaco et de Similiaco et de Vineis Priuilegium Acchardi Episcopi de Ecclesia Corpus Sancti de Ecclesia Montis Bertaldi Betfontis et Asneriis Riceij et Nuidis Priuilegium Hugonis Episcopi de Ecclesia Iuliaci Priuilegium Arduini Episcopi de iure Parochie Asiaci et de integritate ipsius Priuilegium Raynardi Episcopi de Ecclesia Curtannaci cum appendiciis suis de Ecclesia Ateiensi de Ecclesia Barri de Ecclesia Camedonensi Priuilegium Ioceranni Episcopi de Ecclesiis Byrrei Ricei Curtannaci cum appendiciis suis Capella videlicet Montis Barri Ecclesie subscripta et subiecta de iure fundorum et casamentorum beati Ioannis de oblationibus et decimis laicorum personis abiudicatis et in omnibus parochiis illis per manus Episcoporum saluo iure Ecclesie nostre beato Ioanni redditis et concessis Priuilegium Roberti Episcopi de rebus suprascriptis et inferius subiiciendis Has igitur omnes denominatas Ecclesias et quecumque antiquorum Patrum seu Principum pia deliberatione ad proprietatem predicti Monasterij pertinere cognouimus pro posse nostro redintegrare et reformare cupientes iuxta legem et determinationem singulorum proprie et communiter salua consistere et inuiolata permanere censemus et precipimus Et quidquid boni ratione iustitie ex nostra parte superaddere possumus Spiritus sancti gratia cooperante superaddimus et concedimus De duabus vero Abbatiis illis Sanctimonialium Orbiaci videlicet atque Rubei montis quarum vna in proprio beati Ioannis predio altera in propria parochia constructa esse cognoscitur scandalum discordie penitus contradicentes vt debitum honorem et reuerentiam Domno Abbati et suis exhibeant mandamus et obsecramus Non enim licet aliis Monachis subintrare si aliquando contigerit in Abbatiis illis ordinem immutari ratione aliqua Cemiteria vero in suis parochiis antiquitus constructa et consecrata secundum parochialia iura suos vsus habeant et obtineant nec alterius parochianum aliqua Ecclesia recipiat nisi per consilium Ecclesie sue Abbas vel minister eius hoc fieri permittat Hec autem omnia tam ex predecessorum nostrorum quam ex nostro precepto generaliter astruentes chartam subinde plenissime conscriptam et adstipulatam In isto Synodali conuentu manus proprie tactu et subscriptione confirmamus et Archidiaconis nostris ordinabiliter confirmandam donamus Si quis vero contra istius nostre definitionis paginam obuius ire presumpserit bis vel tertio commonitus nisi se correxerit et ad emendationem venire festinauerit inferni penis subiaceat et cum misero Diuite Lazarum a longe videat nec adillius felicitatem vnquam pertingere valeat Acta sunt hec Lingonis in plenaria Synodo anno ab Incarnatione Domini millesimo centesimo vicesimo sexto Apostolice Sedis Cathedram obtinente Domno Honorio II Francorum excellentissimo Rege Ludouico Lingonensis Ecclesie Episcopo Domino Guilenco Ego Lambertus Lingonensis Ecclesie Archiclauus subscripsi Ego Airardus Decanus Lingonensis Ecclesie subscripsi Ego Gocelinus Archidiaconus subscripsi Ego Guido Archidiaconus subscripsi Ego Garnerius Archidiaconus subscripsi Ego Fulco Archidiaconus subscripsi Ego Durannus Notarius ad vicem Fulconis Cancellarij scripsi dictaui et recitaui