Charter Document - 06350006
| Charter Number: | 06350006 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1234 |
| Date type: | Internal, A.D., Calendar |
| Resource Link(s): |
|
Charter:
Catholice fides Ecclesie totum diffuse per orbem necessario a se inuicem exposcit quorumcumque vnum caput Christus est vniuersa compatiac congaudere membra sub capite Christo Huic igitur forme impressa Ecclesia S Ioannis Reomensis tempore Domni Bernardi Abbatis statuit cum Ecclesia Tullensi que sub Patrocinio sancti Mansueti fundata est societatem huiusmodi Capitulum vtriusque commune statutum est etiam assentientibus vtriusque congregationis Abbatibus et fratribus vt si frater Reomensis Ecclesie propria voluntate vel aliquo scandalo commotus Ecclesie beati Mansueti refugium petierit et ibidem morari voluerit gratanter et honeste quandiu libuerit suscipiatur etsi postmodum Ecclesie sue reconciliari voluerit absque vlla satisfactione reconcilietur Similiter et de S Mansueti fratribus concessum est Cum vero obitus alicuius ex fratribus nunciatus fuerit illico officium in generali septem Misse et septem Officia et triginta diebus Verba mea pro eo cantentur Cum vero obitus Domini Bernardi Abbatis et Domini Rainaldi Abbatis nunciatus fuerit tricenarium integrum ei fiet Festiuitas vero beatissimi Ioannis Confessoris et sancti Mansueti ab vtrisque solemniter celebrabitur Huius autem societatis confederatio temporibus perpetuis inuiolanda consentientibus nobis Guidone Abbate et conuentu Reomensis Monasterii et Vuillelmo Abbate ac conuentu Ecclesie sancti Mansueti Tullensis in his temporibus est innouata Actum anno Domini millesimo ducentesimo tricesimo quarto decimotertio Calendas Iunii