Charter Document - 06350003
| Charter Number: | 06350003 |
|---|---|
| Cartulary Title: | Reomaus, seu historia monasterii S. Joannis reomaensis, in tractu lingonensi, primariae inter gallica coenobia antiquitatis, ab anno Christi CCCCXXV |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0816 |
| Date type: | Internal, Calendar, Regnal |
| Resource Link(s): |
|
Charter:
Venerabilis Modoinus Augustodunensis vrbis Episcopus obtulit obtutibus nostris autoritatem immunitatis Domini et genitoris nostri beate memorie Caroli piissimi Augusti illi concessam in qua erat insertum quod non solum idem genitor noster verum et antecessores Reges Francorum Ecclesie S Nazarij Martyris cui autore Domino ipse Modoinus preest sub suo nomine et defensione cum Monasteriis et cellulis seu parochiis sibi subiectis et rebus vel hominibus ad se pertinentibus vel aspicientibus consistere fecerum et earum immunitatum autoritatibus hactenus ab inquietudine iudiciarie potestatis eadem munita atque defensa fuisset Ecclesia Sed pro rei firmitate postulauit a nobis prefatus Episcopus Modoinus vt paternum seu predecessorum nostrorum Regum morem sequentes eiusmodi nostre immunitatis preceptum ob amotem Dei et reuerentiam ipsius sancti loci circa ipsam Ecclesiam fieri censeremus Cui petitioni libenter assensum prebuimus et hoc nostre autoritatis preceptum erga ipsam Ecclesiam immunitatis et tuitionis gratia pro diuini cultus amore et anime nostre remedio fieri decreuimus Et infra Data XI Calend Augusti anno Christo propitio II Imperij Domini Ludouici piissimi Augusti Indictione VIII Actum Paderburno in Saxonia in nomine Dei feliciter