Charter Document - 06350002

Omnibus Episcopis Abbatibus et illustribus viris magnificis Ducibus Comitibus Domesticis Vicariis Grafionibus Centenariis vel omnibus Iunioribus vestris tam presentibus quam et futuris Si petitionibus Sacerdotum quod ad profectum Ecclesiarum pertinet auditum mente deuota prestamus retributorem omnium bonorum Iesum Christum ex hoc nos habere confidimus Igitur notum sit omnibus quoniam diue memorie genitor noster Clodoueus Monasterium Domini nostri Ioannis ex dono ipsius sub sua emunitate recepit tenuit et honorauit suisque posteris Regibus per preceptum hereditarium reliquit Ita et nos venerabilem Siluestrum Abbatem ipsius loci et Domini Ioannis nostri generis peculiaris patroni et oratoris discipulum ac successorem sub nostra et nostrorum successorum Regum emunitate et defensione recipimus et reuocamus decernentes vt semper sub nobis et Regibus nostris successoribus tam Abbas quam Monachi quamque omnes qui pro ipsa casa Dei aut ipso Abbate spectare videntur seu in reliquum esse debent semper maneant et ex suis Abbatem constituant Nullasque requisitiones nec nos nec publici iudices ab ipso loco vel a dominis eiusdem Monasterij requiramus Sumptus vero quos genitor noster monachis ad vestiendum calciandumque et victum prebuit similiter et nos nostrique successores Reges ex nostra camera vel fiscalibus reditibus Abbati Siluestro eiusque Monachis et successoribus liberaliter conferemus vt pro nobis nostroque progenitore et Regno Dominum iugiter exorent s Signum incliti Regis Chlotarii N Ego attuli obtuli et subscripsi Datum sub die VIII Kal Maij anno V Regni nostri Actum Suessionis