Charter Document - 06349007

Universis presentes litteras inspecturis frater Jacobus inspiracione divina humilis abbas monasterii Molismensis ordinis Sancti Benedicti Lingonensis diocesis totusque ejusdem loci conventus salutem in Domino sempiternam et bonis operibus semper habundare Deo credimus impendere famulatum si mentes hominum cunctorum ad caritatis et pietatis opera per que salus animarum acquiritur excitamus et commovemus Cumque itaque humilis supplicatio fratris nostri prioris prioratus nostri Beate Marie de Meriaco Trecensis diocesis nobis exhibita continebat quod plures Deo devoti utriusque sexus causa devocionis ad ecclesiam predicti prioratus pluribus diebus solemnibus et aliis certis diebus anni ad honorem et laudem domini nostri Jhesu Xpisti et dicte beatissime Virginis Marie inibi conveniunt et confraternitatem seu confratriam faciunt quodque ipsa ecclesia et dictus prioratus propter guerrarum voragines aliasque temporum malicias in suis sculturis et edifficiis et reditibus pene in ruynam totalem redacti existunt sic quod nunc inibi cultus divinus aliaque divina opera pietatis ad honorem Dei et sanctorum suorum minus debite ut prius exercere valeant unde nos ad eorum reedificacionem et restauracionem et fructuum religiosorum augmentacionem totis desideriis annelantes et affectantes nos abbas et conventus predicti confraternitatem seu confratriam ut asseritur ratam et gratam habentes considerantes juxta dictum Appostoli quod qui seminat temporalia metere debet et spiritualia volentes ut possumus cum Deo ipsa temporalia in spiritualia commutare animasque talium devotorum Deo lucrificare et eas vices quas valemus rependere omnesque et singulos confratres ceterosque vivos pariterque et deffunctos benefactores nostros utriusque sexus ac illos et illas qui et que pias elemosinas grataque caritatis subsidia ac de bonis a Deo collatis errogaverint aut errogabunt manusque porrexerint seu porrigent adjutrices ad opus et restauracionem dicte ecclesie et prioratus nostri predicte Nostre Domine in omnibus et singulis bonis spiritualibus que Deo auxiliente fiunt et fient deinceps in dicto nostro monasterio et dicto prioratu ac in ceteris membris nostris associentes ipsos benefactores ceteris quibusvis bonis que fiunt et de cetero fieri contigerit in omnibus et singulis monasteriis tocius ordinis Cluniacensis tam in capite quam in membris Turonensis ecclesie scilicet Majoris Monasterii Sancti Benigni Divionensis Arremarensis Viziliacensis Sancti Bazoli Sancti Rigaudi Dervensis Sancti Germani Autissiodorensis Sancti Michaelis in Lothoringia Sancti Michaelis Tornodorensis Sancti Petri Insule Germanice Sancti Petri Flavigniacensis Luxoviensis Latiniacensis Sancti Apri Tullensis Sancti Mansueti Tullensis Sancti Martini Metensis Sancti Erlanni in Normandia Sancti Theodorici Remensis Sancti Germani Parisiensis Sancti Petri Caziacensis Sancti Johannis Laudunensis Faverniensis Corbiennensis Sancti Petri Remensis Sancte Marie de Salis Bicturicensis ordinis Sancti Benedicti et in monasteriis tocius ordinis Cisterciensis tam in capite quam in membris ubique terrarum fidei xpistiane situatis videlicet in missis matutinis horis omnibus psalmodiis vigiliis jejuniis elemosinis disciplinis ceterisque bonis spiritualibus quibuscumque participes facimus et consortes in vita pariter et post mortem ita quod per hec et alia bona que fecerint et facient dante Altissimo gratiam assequi mereantur in presenti seculo et gloriam in futuro perpetuam inhibentes tamen districte in virtute sancte obediencie priori dicti nostri prioratus qui fuerit pro tempore ne quecumque bona ecclesie predicte collata occasione premissorum ad alios usus convertat quam ad reparaciones predictas et comodum dicti prioratus In cujus rei testimonium sigilla nostra litteris presentibus duximus apponenda Datum in nostro Molismensi capitulo nobis ad sonum campane pro capitulo ut est moris congregatis die ultima mensis aprilis anno a nativitate Domini millesimo quadringentesimo sexagesimo decimo