Charter Document - 06349006

Hic continentur concordata per capitulum generale celebratum anno Domini millesimo CCC tricesimo quarto Primo de negocio Juliacy De illis de conventu tractabunt magnus prior subprior et prior Sancti Gervasiy et de foraneis prior de Tornodoro prior de Duchiaco et prior de Noigento vel alter eorum una cum altero de conventu et reportabunt vocatis sex prioribus foraneis in simplici capitulo quicquid actum fuerit per eosdem Pro manu mortua de Septigneyo et villarum ad gistum de Cruseyo euntium ibunt magnus prior subprior celerarius et pictanciarius et alios secum poterunt appellare si voluerint De statu magni prioris subprior priores de Tornodoro et de Noigento una cum abbate diffinient Si prior de Sancto Patusio dignus sit privatione sex probi viri quos dominus abbas nominaverit videbunt priores de Tornodoro Duchi Noigent magnus prior Rosnellus et Peyaco Pro prebenda in Peyaco Guidoni de Villeyo assignanda priores de Amilliaco et Domus Dei De discordia inter dominam de Planceyo et priorem de Abbacia compromissum per simplex capitulum transibit Pro redimendis quatraginta libratis annui redditus in prioratu de Radunvillari et pro solvenda pensione fratris Stephani de Noeriis v d ur pensio Regnerio de Villeyo per subpriorem et pictanciarium aut priorem de Cer[esio] sy predicti vacare non possint Statuimus quod si contingat aliquos status aut administrationes suas permutare et ultra quam perm[utantes] dixerint debita inveniantur prior aut administrator dimittens solvet De prebenda in Brolio domino de Bouzien assignanda comedendo et bibendo cum s[ociis] et nichil extra portando aut alias percipiendo prior de Burgo et de Nanceyo deputantur Item orationes sibi conceduntur De orto quodam existente ante prioratum de Valliscolore acquirendo prioratui permutatyone ad aliam terram de prioratu priores de Burgo et de Nanceyo deputantur Ad sciendum qui de prioribus Varannarum aut Sancti Desiderii Lingonensis quadrigare debeat socios apud Sanctum Sulpitium missos priores de Peyaco de Cameracuria de Calvo Monte et de Caseolo deputantur Concessum est priori de Sancto Nicholao in Bosco quod ipse vendere possit terram quam prioratus de Sancto Sulpicio habet apud Abernay pro alia terra prioratui predicto de Sancto Sulpicio acquirenda Pro furno bannali in villa dicta les Granges aux Quarrez desouz Coiffi per habitantes loci construendo priores de Calvo Monte et de Caseolo deputantur Orationes ecclesie nostre domino de Usye conceduntur domine Nicole de Clara Valle ejus uxori et Johanne de Usie uxori domini Guillelmi de Rubeo Monte Terre ad terciam prioratus de Villario tradentur ad censum pro vineis plantandis et pro quadam masura in Monte Baucheri accensanda priores de Domo Dei et de Peyaco deputantur Simplex capitulum ordinabit de anniversario domini abbatis Tractabitur de prebenda assignanda Petro de Chaivigniaco per magnum priorem suppriorem et pictanciarium Prioratus vacantes hinc ad decennium levabuntur per deputatos a simplici capitulo pro fabrica ecclesie Item si per dictum tempus in prioratibus monachus aliquis moriatur socius illo anno loco mortui non mittetur et prior loci XII libras solvet deputatis predictis Pro terris grangie de Villi ad prioratum Sancti Quintini spectantibus et dicta grangia reedificanda et ad vitam alicujus secularis tradenda priores de Meriaco et celerarius deputantur Item ordinamus quod omnia et singula in nostris capitulis generalibus preteritis concordata exequentur Fratres Stephanus de Noeriis prior de Sancto Gervasio Autissiodorensi Joffridus de Maisseyo Johannes de Lingonis prior de Calvo Monte Bemondus prior de Osdengiis et Petrus prior de Caseolo deputati a nobis abbate et toto capitulo generali qui de prioribus de Varannis aut Sancti Desiderii Lingonensis debeat quadrigare socios apud Sanctum Sulpicium missos in veritate sua retulerunt se ex certa scientia scire ab antiquo quod quocienscumque socii aut commonachi nostri mittuntur apud Sanctum Sulpicium et eundo veniunt apud Varannas prior de Varannis debet quadrigare eos usque ad Sanctum Sulpicium et si socii eundo apud Sanctum Sulpicium veniant apud prioratum nostrum de Lingonis prior de Lingonis debet eos usque ad prioratum nostrum de Varannis duntaxat quadrigare