Charter Document - 06340748
| Charter Number: | 06340748 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1101 |
| Date type: | Internal, A.D. |
| Resource Link(s): |
TELMA - Traitement électronique des manuscrits et des archives |
Charter:
Notum sit universis tam presentibus quam futuris quod ego Renardus Dei miseratione Lingonensis ecclesie episcopus pro salute anime mee donavi cenobio Molismensi de communi consensu capituli nostri ecclesiam de Verteil de qua donatione investivi publice domnum Robertum primum ejusdem cenobii abbatem adiciens et cum consilio nostri disponens capituli ut monachi Molismenses in eadem ecclesia de Verteil de omnibus oblationibus ad sacerdotis manum venientibus medietatem habeant et sacerdos alteram similiter in tricenariis confessionibus reconciliationibus nubentiumque benedictionibus et presbiteri procurationibus cum eas redimi contingit et in baptisteriis et morientium testamentis vel parvulorum cum recenter obeunt medietatem habeant et presbiter alteram qui etiam presbiter nichil percipiet ibi de fundo terre nec pratis nec vineis nec nemoribus si ex hiis fiat eisdem monachis elemosina que videlicet omnia cum supradictis libere et quiete jure perpetuo possidebunt Vacante autem eadem ecclesia sacerdote monachi idoneum eligant et episcopo Lingonensi representent qui de cura cum ab episcopo investitus fuerit in capitulo se Molismensibus pro fidelitate monachis publice facienda representet et a die illa justiciarius eorum efficiatur tamquam conservator reddituum suorum et eorum juratus existens Quicumque ergo eosdem monachos deinceps super hac donatione eis a me sollempniter facta presumpserit perturbando gravare donec ad emendationem venerit eterne maledictioni subjaceat Testes inde sunt Amauricus decanus noster Jocelinus Garnerius archidiaconi nostri Lambertus erarius Actum hoc Lingonis publiceque in nostro collaudatum capitulo nostro confirmatum est sigillo anno ab incarnatione Domini MCI Paschali secundo Romano presule presidente Philippo rege Francorum regnante Data per manum Duranni notarii nostri