Charter Document - 06340697
| Charter Number: | 06340697 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 - 1145 |
| Date type: | Assigned |
| Resource Link(s): |
|
Charter:
Noverint omnes tam presentes quam futuri quod Giraudus Dei gracia sancte Molismensis ecclesie abbas dictus et totus ipsius ecclesie conventus in loco de Setfons qui situs est in parrochia monachorum de Valcolor atrium fieri ad sepulturam fratrum et sororum ibidem sub religionis abitu commorantium pleno favore concesserunt sic tamen ut fratres ibidem manentes nullum prorsus parrochianorum ecclesie de Valcolor absque assensu et laude predicti prioris in sepulturam suscipiant Preterea pactum est inter abbatem Molismensium et abbatem Septemfontium ad quem spectat locus de Setfons ut in predicto loco nulla de causa aliquo tempore abbatia construatur Abbas denique Molismensium et omnis ecclesie conventus predictis fratribus de Setfons omnem decimam proprii laboris ac nutrimentorum suorum seu cujuslibet possessionis sub censu duorum solidorum Tullensis monete singulis annis in festo beati Remigii persolvendo benigno affectu et pari assensu in perpetuum dimiserunt Hanc pacis et dilectionis confederationem Giraudus Dei gracia abbas Molismensium et Becelinus eadem gracia abbas Septemfontium laude et assensu utriusque ecclesie capituli composuerunt et coram H Tullensi episcopo et H archidiacono tam cyrographi denotacione quam sigilli impressione perpetuo confirmaverunt