Charter Document - 06340696

In nomine sancte et individue Trinitatis Patris et Filii et Spiritus sancti Riquinus Dei misericordia Leuchorum episcopus Widoni venerando Molismensium abbati ejusque dilectis in Xpisto filiis Beate conversationis vestre gratiam intuentes affectu quem debemus omnibus ad vos propensius intendimus ut quorum merita certius nobis subsidium pollicentur horum obsequiis devotio nostra studiosius famuletur Ut ergo beate spei vestre particeps inveniar simulque dilecti filii nostri Hugonis monachi vestri frequenti supplicatione pulsatus parrochialia altaria de Tuseio de Casleniis et capellam de castro Vallicoloris ad usus monachorum vestrorum nominatim in cella Vallicoloris Deo servientium vobis vestreque ecclesie in perpetuum possidenda contradimus ita videlicet ut conductu fratrum vestrorum in prenominata cella commorantium vicarius ipsorum presbiter deinceps ordinetur qui contemtus medietate eorum que ad ipsa pertinent altaria deserviat altariis et de reditibus ac canonicis consuetudinibus episcopo archidiacono decano suo jure canonico respondeat Fratres vero celle pro responso beneficii annuatim in Inventione beati Stephani nomine census ad altare nostri prothomartyris VI denarios representent Sane hec eadem altaria comes Hugo Campanie a nobis in amiciciam habebat sed salubrius deliberans tam capellam quam altaria in manu nostra reposuit nosque ea cum integritate vestre Molismensi inquam ecclesie ut predictum est donamus et presenti scripto consignamus Confirmamus vobis preterea que Gaufridus de Jovisvilla et uxor ejus Hodierna consensu heredum suorum vobis donaverunt mancipia quidem Durandum carpentarium Hunierum piscatorem Bellinum furnarium et uxores eorum ac filios et filias cum omnibus eorum possessionibus et Girbertum cum ejus possessione campum etiam totum ubi ecclesia fundata est usque ad mansum Siberti ejusdem etiam Siberti mansum terram etiam que est ante ecclesie introitum ubi dudum plantata fuit vinea et partem pasnagii Wevre que eum contingebat et usum ejusdem silve liberum ad monasterii et officinarum indigentiam et partem furni bannalis prout ei competebat et costam totam de terra Letardi quodque concessit ut quicumque suorum allodium vel feodum suum eidem celle vestre conferre voluisset liberam exinde facultatem haberet item quod dedit Sibertus Vallicoloris prepositus voluntate et consensu predicti Gaufridi molendinum Ramberti dimidium et dimidium molendinum desub Roca item quod dedit Odo comes frater Hugonis comitis ob memoriam sui ac suorum in vestra ecclesia anniversarie recolendam campum videlicet totum qui est inter ecclesiam Sancti Teobaldi et villam Tusei simulque pratum totum quod Marochia vulgo nuncupatur sicut ab eodem campo ex una parte et a fluvio qui Wasia dicitur ab altera parte terminatur item partem furni bannalis prout ipsi Odoni inquam comiti competebat Item confirmamus que donavit vobis comes Hugo scilicet partem quam habebat in molendino de Casleniis et Bernardum cum uxore et omnibus filiis ac filiabus ejus preterea decem jugera terre juxta Bureium que antefatus Gaufridus eidem celle postmodum contulit Hec igitur omnia que tam a nobis quam a prenominatis fidelibus viris tradita vobis presenti pagina continentur queque in futurum liberalitate principum seu devotione fidelium inspirante Deo legitime conferentur nos auctoritate Dei et nostra confirmamus omnesque eos qui contra presentis tenorem confirmationis ecclesiam vestram in aliquo predictorum temere ac violenter spoliaverint vel certe inquietaverint admoniti autem semel aut bis satisfacere contempserint anathematis vinculo innodamus eos vero qui conservaverint foverint adjuverint benedictio et gratia celestis tueatur Ego Riquinus episcopus SS et confirmo S Petri abbatis Sancti Apri S Teomari abbatis Sancti Mansueti S Stephani primicerii et archidiaconi S Berengeri decani Sancti Stephani S Hugonis archidiaconi S Tiecelini archidiaconi S Hunaldi archidiaconi S Haimonis archidiaconi S Gotberti cantoris et archidiaconi