Charter Document - 06340695
| Charter Number: | 06340695 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1105 - 1106 |
| Date type: | Internal, A.D., Lunar |
| Resource Link(s): |
|
Charter:
Ego Bertreda Sancti Johannis Laudunensis abbatissa presentibus et futuris notum facio quod compositio inter ecclesiam nostram et Robertum Molismensis ecclesie abbatem primum prioremque Vallis Coloris Hugonem nomine de consensu utriusque capituli statuta talem continet tenorem Fundum in quo ecclesia Sancti Theobaudi de Valle Coloris sita est ubi Molismenses monachi Deo deservientes degunt pars nostra multociens reclamaverat et homines quosdam super quibus pro bono mutue pacis tandem utrinque in hunc modum convenimus quod fundum ipsum cum ecclesia et atrio terraque ad construendas ibidem officinas ad opus monachorum suppetente cum hominibus illis quos similiter calumpniabamur jam dicto abbati et priori Vallis Coloris et sociis ejus quiete et pacifice in posterum absque retentione aliqua dimisimus omnia hec in perpetuum possidenda sub annuo censu duodecim denariorum Tullensis monete in festo sancti Martini solvendo Compositionis hujus testes sunt legitimi et probati vivi inferius scripti signa sua ponentes S Pibonis Tullensis episcopi S Roberti Molismensis abbatis S Riquini Tullensis primicerii S Rainbaldi archidiaconi S Tescelini archidiaconi S Ewrardi ejusdem loci prepositi S Bertrede Laudunensis abbatisse S Mentie sanctimonialis Laudunensis ecclesie et filie comitis Theobaldi Rinelli S Bosonis canonici S Marie Laudunensis S Richerii militis Sancti Vincentii S Brunelli ville Melete villici S Winandi abbatisse famuli in Lothoringia redditus colligentis Actum anno ab incarnatione Domini MCV indictione XIII epacta III concurrente VI ciclo lunari primo