Charter Document - 06340694
| Charter Number: | 06340694 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Ammortisement |
| Date: | 1076 - 1081 |
| Date type: | Assigned |
| Resource Link(s): |
|
Charter:
Notum sit omnibus fidelibus quod dominus Gaufridus senex Joniville pro remedio anime sue et predecessorum suorum cellule Vallicoloris in tempore Philippi regis Francorum et Pibonis Tullensis episcopi concessit ut quicumque feodum suum teneret si ecclesie tribuere voluisset quantum ad se ipsa ecclesia quasi in allodium possideret Concessit etiam laudante filio suo Gaufrido et uxore ejus Hodierna capellam castelli presbiteratum Thuseii et presbiteratum Caslenis Durandum carpentarium et uxorem et filios et suum tenementum Hunierum piscatorem uxorem et pueros et suum tenementum Belinum uxorem et pueros et suum tenementum Gibertum et suum tenementum campum totum ubi ecclesia sedet usque ad mansum Seiberti et mansum Seiberti totum post decessum suum campum alium qui est ex alia parte inter ecclesiam Sancti Theobaldi et inter villam Thuseii donavit campum a summo Bureio qui est juxta terram Sancti Stephani pratum totum usque ad aquam sicuti congruit partem molendini Caslenis quam tenebat impendit vineam et terram ipsius et quartam partem pasnagii Wewre et de eadem silva quicquid monachis opus est ad edificandum et terciam partem piscature furnum Vallicoloris bannale omnino concessit costam totam de terra Letardi Bernardum et uxorem et pueros et suum tenementum molendinum Ramberti dimidium molendinum desub Roca dimidium Ex istis donis testes interfuerunt Provasius et Milo filius ejus Haibertus de Pesson Hugo de Musterello Ainardus de Musceio Odo prepositus