Charter Document - 06340644

In nomine sancte et individue Trinitatis Hugo miseratione divina Autissiodorensis ecclesie humilis minister omnibus catholice ecclesie filiis tam presentibus quam futuris in perpetuum Si creditam nobis amministrationem digne Deo adimplere satagimus paci ac quieti religiosorum modis omnibus providere debemus Ea propter Crisennonis monasterium ad faciendam abbatiam ex mandato domini pape Innocentii et de manu abbatis Ebrardi et fratrum Molismensium quorum erat proprium suscipientes ecclesiam Sancti Gervasii Autissiodorensis tam in acquisitis quam in aquirendis cum omnibus que ecclesia de Crisennum in parrochiatu Sancti Gervasii habebat vel acquisitura erat monasterio Molismensi laude et assensu capituli nostri necnon et sanctimonialium de Crisennum in perpetuum concessimus possidendam ita dumtaxat quod monachi qui ibi habitaverint ab omnibus processionibus et procurationibus episcopi decani et archidiaconi in perpetuum liberi sint et immunes Porro cautum est a nobis et provisum ad honorem ecclesie nostre conservandum quod si canonici nostri decem solidos pro processione et statione festi sancti Gervasii tempore constituto non receperint eidem ecclesie indicent silentium Decernimus igitur ut ejusdem ecclesie qui nunc est presbiter Belinus nomine beneficium quod tenet dum vixerit integre teneat vacante enim ecclesia a prefato vel alio presbitero Molismenses monachi sibi ydoneum eligant et ad curam animarum suscipiendam Autissiodorensi episcopo presentent de qua investitus Molismum teneatur adire et de rebus monachorum fideliter conservandis eis fidelitatem facere Et ne aliquando sacerdos et monachi de reditibus ecclesie sue litigent ita statuimus in omnibus oblationibus et testamentis et beneficiis ad altare pertinentibus in omnibus modis et commodis sine ulla exceptione medietatem accipient monachi aliam vero sacerdos Ita et de ecclesia Sancti Moderati statuimus de qua diu littigatum coram nobis fuerat inter Molismenses et sacerdotem ejusdem ecclesie Et sciendum quod moniales de Crisennum nichilominus quam in tempore dominii monachorum ordinem Juliacensem omnibus modis tenebantur observare excepto quod abbatissa pro negociis ecclesie sue poterit equitare cum duabus que ab episcopo Autissiodorensi ad hoc deputabuntur ceteris vero nullatenus licebit claustrum exire etiamsi jusserit abbatissa quendam vero cereum unius libre in die Purificationis beate Marie sepe dicte moniales pro recognitione ecclesie Molismensi annuatim persolvent et per proprium numtium mittent quod si dictum cereum die assignata non persolvi contigerit et si quod absiti prefate moniales metas ordinis Juliacensis excesserint hoc comperto abbas Molismensis monasterium de Crisennum reaccipere et reordinare secundum formam institutionum Juliacensium poterit et eandem potestatem quam super Juliacum habet super Crisennonem nullo contradicente in perpetuum habebit salva tamen [prel]atione Autissiodorensis episcopi Hoc autem totum ne temporum sive personarum mutatione immutetur pagine presentis assertione et tam proprii quam fratrum nostrorum sigilli impressione roborantes firmavimus et eorum qui interfuerunt nomina subnotari precepimus S Ulgeri prepositi S Goscelini decani S Gaufridi cantoris S Stephani thesaurarii S Athonis archipresbiteri Acta sunt hec anno Incarnationis dominice M centesimo tricesimo septimo in capitulo Beati Stephani Autissiodorensis presentibus viris religiosis Alberico Verzeliacensi Hugone Pontiniacensi Guillermo Trecensi abbatibus necnon et Godefrido Clare Vallis priore et de canonicis affuerunt Henricus Johannes Hugo sacerdos Gaufridus Lambertus Atho Drogo diaconus Reynaudus Guillermus subdiaconus Gaufridus acolitus et multi alii Hugo cancellarius scripsit et subscripsit