Charter Document - 06340588
| Charter Number: | 06340588 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Foundation |
| Date: | 1104 - 1105 |
| Date type: | Internal, A.D., Lunar |
| Resource Link(s): |
TELMA - Traitement électronique des manuscrits et des archives |
Charter:
In nomine Patris et filii et Spiritus sancti Amen Ego Galo Dei miseratione Belvacensis ecclesie episcopus notum facio presentibus et futuris quod Antelmus de Craolio et uxor ejus Amiota et Hugo Josberti filius et Hodierna uxor ejus dederunt pro salute animarum suarum Molismensi cenobio Vernulensem ecclesiam et atrium cum dignitate illius monachisque Deo ibi servientibus concesserunt usuarium in silvis et liberam in pratis et campis pasturam et in silva que vendetur habebunt predicti monachi nemus mortuum et vivum et in defenso totum sine querqu et fago et de vivo capient sibi ad ligandum nemus mortuum et ad suarum officinarum edificia construenda Ubicumque autem terra ejusdem ecclesie fuerit monachorum erit justicia absque parte alterius nec decimas de gainnagiis suis persone alicui solvere cogentur Item ubicumque bestie eorum capte fuerint nullam dabunt vel reddent redemptionem Insuper et libertatem eis dederunt ut sive emptione sive alicujus donatione vel alio modo sibi aliquid in futuro acquirerent libere id agerent et quiete ac pacifice imperpetuum possiderent Ut autem libertatis hujus donatio a supradictis viris pro suorum tam antecessorum quam posterorum salute in presentia mea sollempniter facta magis rata deinceps habeatur eam de canonicorum nostrorum consensu nostro confirmavi sigillo De hoc devestierunt se Antelmus et Hugo Josberti filius et uxores eorum et imposuerunt in manum episcopi Belvacensis ut episcopus revestiret Robertum abbatem Molismensem et Odonem priorem de Vernolio regis Francie cognatum Hujus rei testes sunt Garnerius archidiachonus Rogerus archidiaconus Galerannus Gaufridus Odo ecclesie nostre canonici Actum est hoc anno ab incarnatione Domini MCIIII indictione XII epacta XXII concurrente V cyclo lunari XVIIII Paschali Romano pontifice feliciter presidente Phylipo rege Francorum regnante Quisquis autem hanc nostre confirmationis paginam deinceps violaverit donec digne emendaverit excommunicationi subjaceat et a sacratissimo corpore et sanguine domini nostri Jhesu Xpisti omnino sequestretur