Charter Document - 06340568

Quod a sanctis et illustribus viris Deo devotis pietatis affectu exigitur id absque dubitationis dilatione cum mentis sinceritate complere debemus effectu quatinus et eorum in bonis crescat devotio et caritatis et utilitatis exhibite nobis cumuletur recompensatio Domnus etiam venerabilis Guido Molismensis ecclesie abbas et domnus Guillelmus de Domo Dei ante Firmitatem Galcherii prior cum pluribus aliis religiosis honestisque personis me Manassem Meldensis ecclesie pontificem immeritum sub optentu pietatis adierunt expetentes et deprecantes quatinus ecclesias illas quas in nostro episcopatu de manu laycali per manum nostram acceperant eisdem meo firmarem privilegio et quicquid ulterius in eisdem ecclesiis cujuslibet persone per manum Meldensis episcopi monachis Molismensibus traderet devotio Ego igitur Manasses Dei gratia Meldorum episcopus eorum petitioni annuens per hujus mei privilegii cartulam ad laudem et concessionem archidiaconorum canonicorumque nostrorum firmo eis et ecclesie Molismensi que superius expecierunt scilicet ecclesiam Sancti Patusii cum atrio et omni magna decima et minima excepta messione presbiteri duobus modiis annone et medietatem oblationum quinque festorum Natalis Domini Pasche Pentecostes Assumptionis beate Marie Omniumque Sanctorum et medietatem tocius luminis per totum annum et quod in decima Osseri et in decima Sancti Sulpicii et in decima Varedis monachi ejusdem ecclesie possident ecclesiam etiam Beate Marie sitam ante Firmitatem Galcherii ubi prelibati monachi conversantur et ecclesiam Sancti Bartholomei et totam magnam decimam excepto uno modio quod habet presbiter et totam parvam decimam excepta sexta parte et annalibus festis videlicet de Nativitate Domini et Epiphania et Sancte Marie Candelarum et de die Crucis ante Resurrectionem et Pascha et Pentecoste et sancti Bartholomei festivitate et Omnium Sanctorum omnium oblationum medietatem et ecclesiam de Joy cum decimis omnibus exceptis tribus modiis annone et excepta sexta parte minute decime que sunt sacerdotis et tercia pars turtellorum monachorum est et in ecclesia Sancti Romani terciam partem oblationum et totam decimam parrochie illius excepta duodecima parte et ecclesiam de Belo cum omni decima excepta messe presbiteri videlicet modio frumenti et modio avene et uno agno et quartam partem oblationum trium festivitatum scilicet Natalis Domini Pasche et Omnium Sanctorum et turtellos de Nativitate et ecclesiam Sancti Martini de Boseth cum capella de Grunnai atque magne decime medietatem excepta sexta parte que ad presbiterum pertinet et duas partes minute decime habeant monachi et de quatuor festis oblationum medietatem et de donis ecclesie quartam partem presbiter et monachi accipiant et medietas turtellorum sit et dimidiam ecclesiam de Chaterongis cum medietate magne decime et parve post messem presbiteri et in ecclesia de Amiliaco magnam decimam et parvam et turtellos de Nativitate et in Purificatione beate Marie candelas et in die festo sancte Froberte candelas et oblationes et terciam partem census atrii et ecclesiam in qua monachi habitant Quecumque siquidem catholica persona in atriis ecclesiarum in quibus monachi manent se sepeliri pecierit non ei prohibeatur salvo tamen jure sacerdotis et ecclesie parrochialis Sacerdotes ydoneos in ecclesiis prelibatis abbas Molismensis sive priores eligant et ad suscipiendam animarum curam episcopo presentent Hec inquam omnia trado ecclesie Molismensi firma et illibata salvo tamen jure et consuetudinibus Meldensis ecclesie Si quis autem huic privilegio contradicere voluerit secundo terciove monitus nisi satisfactione congrua emendaverit sancti Spiritus gladio feriatur et a liminibus sancte ecclesie sequestretur Actum est hoc Meldis et confirmatum in ecclesia Beati Stephani in die sollempni Inventionis ejus anno ab incarnatione Domini MCXII Ecce persone subscribuntur quarum testimonio carta hec roboratur Manasses Meldensis episcopus Adam archidiaconus et multi alii