Charter Document - 06340556
| Charter Number: | 06340556 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1135 |
| Date type: | Internal, A.D. |
| Resource Link(s): |
|
Charter:
Ego Teobaldus Blesensis comes Palatinus presentibus et futuris notum facio quod Letericus de Plaiotro laude matris sue Tecie et uxoris sue Elizabeth et filiorum suorum Leonis scilicet et Eustachii dedit Deo et ecclesie Montis Baucherii secus Amiliacum quicquid monachi Molismensis monasterii Deo ibi famulantes de terra vel feodo suo deinceps sibi possent quibuscumque modis adquirere et usuarium nemoris sui pro salute anime sue Insuper et terram dedit eis de Bosco sub annuo censu sex nummorum quamdiu viveret ita quod post mortem ejus possiderent eandem terram sicuti allodium ab omni consuetudine liberam et quietam cum redecima totius annone sue de Corboon Quam elemosinam predictis monachis ab eo factam in presentia mea recitantes laudaverunt sepe dicti mater scilicet et uxor et ejus filii Ne autem in posterum super hiis omnibus possint prefatis monachis gravamina inferri ab aliquibus vel injurie presentem volui confirmare cartulam sigilli mei impressione horumque annotatione testium quorum hec sunt nomina Radulfus scilicet capellanus meus Guillelmus clericus meus Silvester presbiter Cheuvru Arnulfus de Montenglohout Ansoldus frater ejus Gaucherius de Amiliaco Drogo de Cheuvru Henricus Niger Paganus Colomarii prepositus Actum hoc sollempniter in presentia mea apud Co[loma]rium anno ab incarnatione Domini MCXXXV Manasse Meldentium civitati feli[citer] presidente