Charter Document - 06340551
| Charter Number: | 06340551 |
|---|---|
| Cartulary Title: | Cartulaire de l'abbaye de Molesme ancien diocèse de Langres 916-1250. Recueil de documents sur le Nord de la Bourgogne et le Midi de la Champagne. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1114 - 1115 |
| Date type: | Internal, A.D., Episcopal, Regnal |
| Resource Link(s): |
TELMA - Traitement électronique des manuscrits et des archives |
Charter:
Ego Rodulfus Dei gratia Remensis ecclesie licet indignus sacerdos omnibus quorum nos memoria subsecutura expectatur ad eternam patriam feliciter tendere Palam presentibus et vobis facere curavimus cum divine bonitatis inspiratio animum venerabilis Campanie comitis videlicet Hugonis ut ecclesie Remensi et nobis Attiniacum villam largiretur tetigisset ipsa die post donationem quam prefatus princeps super altare Sancte Marie posuerat nos in cujus ditionem tota potestas supradicte ville cesserat monasterio Sancte Marie Molismensi concessisse quicquid in ea idem comes et uxor sua Constantia Philippi regis filia ejusdem patris ac fratris sui Hludovici consensu pariter et assensu supradicto monasterio noscuntur contulisse Vicum videlicet nomine Diona qui vulgo Sancta Gualburgis appellatur et ejusdem ville mansum indominicatum silvam adjacentem eidem ville totam piscariam a ponte Attiniaci usque ad piscariam Riliaci molendinos quorum quartam partem tenet Ernaldus in vita sua tantum absque parte molendinarii Hec omnia ut prefati sumus cum ceteris que cartis regum et comitis continentur monasterio Molismensi assensu totius capituli nostri concedimus et hac testamentali carta et nostre imaginis impressione perpetualiter tenenda firmamus Ut autem istud auctoritatis nostre firmamentum inconvulsum teneatur hujus rei testes idoneos apposuimus S Joffridi abbatis Sancti Theoderici S Joranni abbatis Sancti Nichasii S Hugonis abbatis Sancti Dyonisii S Joffridi decani S Lanberti cantoris S Otrici decani S Gisleberti decani De laicis S Balduini dapiferi S Hugonis S Rogeri filii Gualonis Actum Remis anno incarnati Verbi Millesimo CXIIII indictione VI regnante venerabili rege Francorum Hludovico anno vii archiepiscopatus autem domni Rodulfi anno vii Fulchradus cancellarius recognovit scripsit et subscripsit